Футбол бўйича Ўзбекистон терма жамоаси Марказий Осиё ассоциацияси кубогининг 2-турида 14 июнь, чоршанба куни Туркманистонга қарши баҳс олиб боради.
Ўзбекистон терма жамаоси бош мураббийи Сречко Катанец соғлиғи билан боғлиқ муаммолар сабабли ушбу учрашувда иштирок эта олмайди. Бу ҳақида ЎФА матбуот хизмати маълум қилди. Катанецнинг ўрнига терма жамаони ёрдамчи мураббий Алеш Чеҳ бошқариб боради.
Эслатиб ўтамиз, Туркманистонга қарши баҳс бугун “Бунёдкор” стадионида бўлиб ўтади. Учрашув 20:30 да старт олади.
Ўзбекистон терма жамоаси CAFA Nations Cup—2023 1-турида Уммон устидан йирик ҳисобда ғалаба қозонган эди. Учрашувда Жалолиддин Машарипов дубль қайд этган бўлса, яна бир гол Ҳожиакбар Алижонов ҳисобига ёзилганди.
Изоҳ (0)