Бу йилги куз нафақат севимли турк сериалларининг давомига, шунингдек, ёрқин янгиликларга ҳам бой.
Баҳор (2-мавсум)
Икки нафар фарзанднинг онаси Баҳор уй-рўзғор ишларини қилади, бутун оила учун таом тайёрлайди, қайнонаси ва эрига ғамхўрлик қилади, аммо ўзи ҳақида сира ўйламайди. Кўп йиллар олдин у тиббиёт университетини тугатган, бироқ касал қайнотасига қараш учун ишлолмаган. Турмуш ўртоғи машҳур жарроҳ Темур Явузўғли бир неча кунга Парижга жўнаб кетганда, аёл кутилмаганда ҳушидан кетади. У шифохонада ўзига келади, унга шошилинч тарзда жигар кўчириб ўтказиш кераклиги ва эри донор бўлиши мумкинлиги маълум бўлади. Ўлим ёқасига келиб қолган Баҳор аччиқ ҳақиқатга дуч келади — шундан сўнг ўзи учун яшашга қарор қилади ва тиббиётга қайтади.
“Лайло” (1-мавсум)
Лайло онасидан эрта айрилади. Унинг бева қолган отаси Нур исмли гўзал, ақлли, аммо шафқатсиз аёлга уйланади. Отасининг кутилмаган ўлимидан сўнг, етим Лайло бошпанасиз қолади. Йиллар ўтгач, Нур қасос олиш учун ёлғон, муғомбирлик, фитна каби усулларидан фойдаланишни ўрганиб олган ўгай қизини таний олмайди. Аммо эски душманларидан ташқари, Лайлонинг йўлида биринчи муҳаббати ҳам пайдо бўлади.
“Чегарасиз муҳаббат” (2-мавсум)
20 йил олдин ёш Халил Иброҳим отасининг ўлимига гувоҳ бўлган. Болани душманлардан асраш учун амакиси бошқа шаҳарга олиб кетади. Йиллар ўтиб, Халил Иброҳим уйига қайтиб келади — у вайронага айланган уйни таъмирлашни ва бир неча йил аввал унаштириб қўйилган Ясеминга уйланишни режалаштирмоқда. У эски оилавий адоватни давом эттириш ниятида эмас, бироқ оила бошлиғи Лето ва унинг Ясеминга ошиқ ўғли Тариқ унинг тезроқ кетишини исташади. Халил Иброҳим мактаб пайтидан танийдиган, ҳозир эса Америкадан қайтган Зайнаб Лето билан учрашганда вазият мураккаблашади.
“Қўрғон сирлари” (3-мавсум)
Келишган ва аёллар севгисини қозонган Ферит бой оилада ўсиб, ҳеч нарсадан ўзини тийишга одатланмаган. Тинмай давом этадиган зиёфатлар, янги-янги қизлар — бу келажак ёки ҳаётдаги бирор-бир ютуқ ҳақида қайғурмайдиган бекорчи йигитнинг кундалик ҳаёти эди.
Феритнинг бу юриш-туриши унинг бобоси, ҳурматли тадбиркор Холис оғани ташвишлантиради. Оиласини таъминлаш ва муносиб мавқега эришиш учун у жуда кўп меҳнат қилган ва ҳар бир топган тийиннинг қадрини билар эди.
Ферит сабаб полиция уйга тинтув қилишга келганида, Холис оға эрка набирасининг тақдирини ўз қўлига олиши кераклигини тушунади. У ўз она шаҳри Антепадан муносиб қайлиқ топишга қарор қилади. Соҳибжамол ва жиддий Сейран тантиқ набирага муносиб кўрилади. Лекин қиз шўх Фаритни тўғри йўлга сола оладими?
“Қизил шарбат” (3-мавсум)
Отасиз ўсган Доа университетни битириб, стоматолог бўлмоқчи. Аммо Фотиҳ билан танишуви унинг ҳаётини ўзгартириб юборади — ёшлар тезда севиб қолишади ва турмуш қуришга қарор қилишади. Фотиҳ консерватив оилада тарбияланган, онаси Пембе эса унинг ҳаётини назорат қилишга ҳаракат қилади.
“Ёввойи” (2-мавсум)
Яман Али тўрт ёшигача бадавлат оилада яшаган, аммо уни яқинларидан айирган даҳшатли фожиа ҳамма нарсани ўзгартиради. Ёлғиз қолган Яман ўзига ғамхўрлик қилишни ўрганади, дарбадарлик, кулфат ва муҳтожликларни бошдан кечиради, ўз атрофига бошпанасиз болалар тўдасини тўплайди. Бир куни йигит бадавлат қиз Рўё билан танишади. Яман унга хизмат кўрсатиб, йўқолган оиласи яшайдиган уйга тасодифан келиб қолади.
Изоҳ (0)