Франция терма жамоаси собиқ футболчиси: “Роналду, овозингни ўчир!”

Франция терма жамоасининг собиқ ўйинчиси Франк Лебёф Роналдунинг Франция Лига 1 мусобақаси ҳақидаги фикрларини кескин танқид қилди.

Португалиялик футболчи ҳозирги кунда Саудия чемпионати Франция чемпионатидан анчагина яхшироқ деган хулосани берган эди.

“Мен Роналдунинг Саудия Профессионал Лигаси Франция чемпионатидан кучлироқ деган гапини эшитганимда қаттиқ жаҳлим чиқди. Нима деб ўйлайсиз, нега у Португалия чемпионати ҳақида эмас, айнан Лига 1 ҳақида бу фикрни айтиб ўтди? Сабаби, Месси Франция чемпионатида ўйнаган. Мен Роналдуни футболчи сифатида ҳурмат қиламан. Лекин унга шундай демоқчиман — Шунчаки, овозингни ўчир!” — дейди Лебёф.

Эслатиб ўтамиз, Роналду Саудия Арабистонининг “Ан-Насср” жамоасида 2023 йилдан бери ўйнаб келмоқда.

Осиё Чемпионлар Лигасидан ўрин олган “Ал-Айн” ва “Ан-Насср” ўртасидаги учрашувда Роналду ва унинг жамоаси кичик ҳисобда мағлубиятга учради.

Жамоалар ўртасидаги жавоб ўйини 12 март куни бўлиб ўтади.