“Барселона” ҳужумчиси Роберт Левандовски ёзда “Атлетико Мадрид”га ўтиши мумкин, дея хабар бермоқда Barsa Universal журналист Рубен Уриянинг Х (собиқ Twitter)даги постига таяниб.
Каталония клуби 35 ёшли полшалик ҳужумчи билан ҳамкорликни мавсум охирида якунламоқчи, чунки ёзда “Барселона” таркибида катта ўзгаришлар кутилмоқда.
Ҳужумчи “Барса”нинг энг кўп маош олувчи футболчиларидан бири. У ўтган мавсумдаги ўйинини такрорлай олмагани ва кўпинча барқарор ўйин кўрсатишда муаммоларга дуч келаётгани боис “Барселона” уни сотиш вариантини кўриб чиқмоқда.
“Атлетико” вазиятни диққат билан кузатиб бормоқда ва футболчини қўлга киритишга уриниб кўради.
Левандовскининг “Барселона” билан шартномаси 2026 йилнинг ёзига қадар амал қилади.
Польша терма жамоаси ҳужумчиси 2023/24 йилги мавсумда клуб сафида 39 та ўйинда майдонга тушиб, 20 та гол урди ва 9 та голли узатмани амалга оширди.
Изоҳ (0)