“Атлетико” мухлислари дерби олдидан “Реал” мухлиси бўлган қора танли аёлга ҳужум уюштириб, уни ҳақорат қилди

“Атлетико” мухлислари “Реал”га қарши дерби олдидан “қаймоқранглилар” мухлиси бўлган аёл ва унинг фарзандини қўрқитди.

Carrusel Deportivo хабарига кўра, воқеа “Vanda Metropolitanо” стадиони яқинида содир бўлган. “Атлетико” мухлислари “Реал” вингери Винисиус Жуниорнинг либосини кийган қора танли аёл ва унинг фарзандига ҳужум қилган. Мухлислар аёлга нисбатан ҳақоратлар ишлатган. Жабрланувчилар қўрқувдан йиғлаб юборган.

Ҳозирча “матрасчилар” мухлислари ушлангани ва уларга қанақа жазо берилиши ҳақида маълумотлар йўқ. 

Эслатиб ўтамиз, ўтган мавсумда “Атлетико” мухлислари Испания Кубоги баҳсидан аввал “Реал” машғулотлар базасидан узоқ бўлмаган жойдаги кўприкка Винисиус либоси кийдирилган қўғирчоқни илиб кетган эди.