ЕЧЛ. “Барселона” 5 та гол урилган ўйинда “ПСЖ”ни мағлуб этди, “Атлетико” ўзида “Боруссия”дан устун келди

Футбол бўйича Европа Чемпионлар Лигасининг чорак финалидан ўрин олган икки ўйин 10 апрель, чоршанба куни бўлиб ўтди.

“Барселона” сафарда “ПСЖ” меҳмони бўлди. Учрашувнинг 37-дақиқасида Рафинья каталонияликларни ҳисобда олдинга олиб чиқди. 

Иккинчи бўлим бошида эса Усмон Дембеле кучли зарба билан ҳисобни тенглаштирди. 50-дақиқада эса Витиня Париж клубинининг иккинчи голига муаллифлик қилди. 62-дақиқада Педрининг ажойиб узатмасидан сўнг Рафинья мувозанатни тиклади. 77-дақиқада эса эндигина майдонга тушган Кристенсен бурчак зарбасидан узатилган тўпни боши билан дарвозага жойлаб қўйди.

Қолган дақиқаларда дарвозалар ишғол этилмади ва “кўк-анорранглилар” 3:2 ҳисобида ғалаба қозониб, жавоб ўйини учун қулай имкониятни яратиб олди.

Яна бир чорак финал баҳсида “Атлетико” “Боруссия Д”ни қабул қилди ва 2:1 ҳисобида зафар қучди. “Матрасчилар” сафида де Пол ва Линолар гол муаллифи бўлган бўлса, дортмундликлар таркибида Себастьян Аллер жавоб голини урди.

Иккала жуфтликнинг ҳам жавоб ўйинлари 16 апрель санасида бўлиб ўтади.

ЕЧЛ

1/4 финал

10 апрель, чоршанба

“ПСЖ” – “Барселона” 2:3

Голлар: 0:1 – 37 Рафинья, 1:1 – 48 Дембеле, 2:1 – 50 Витиня, 2:2 – 62 Рафинья, 2:3 – 77 Кристенсен.

“ПСЖ”: Доннарумма, Маркиньос, Эрнандес, Лукас Бералдо, Мендеш, Фабиан Руис (Гонсалу Рамуш, 85), Витиня, Ли Кан Ин (Заир-Эмери, 61), Дембеле, Асенсио (Барколя, 46), Мбаппе.

“Барселона”: тер Стеген, Кунде, Араухо, Кубарси, Жоау Канселу, Сержи Роберто (Педри, 61), Гундўған (Лопес, 86), де Йонг (Кристенсен, 76), Рафинья (Ферран Торрес, 76), Ямал (Жоау Феликс, 61), Левандовски.

Огоҳлантиришлар: Сержи Роберто (34), Витиня (65), Кубарси (82), Кристенсен (88), Лопес (89), Лукас Бералдо (89).

“Атлетико” – “Боруссия Д” 2:1

Голлар: 1:0 – 4 де Пол, 2:0 – 32 Лино, 2:1 – 81 Аллер.

“Атлетико”: Облак, Молина, Аспиликуэта, Хименес, Витцель, Сауль, Коке, де Пол (Корреа, 80), Льоренте, Гризманн, Мората (Барриос, 64), Лино.

“Боруссия Д”: Кобел, Рюерсон, Ҳуммелс, Шлоттербек, Матсэн, Забицер (Ройс, 84), Жан (Озжан, 84), Нмеча (Брандт, 46), Санчо, Адееми (Байно-Гиттенс, 73), Фюллькруг (Аллер, 60).

Огоҳлантиришлар: Жан (24), Лино (27), Льоренте (28), Матсэн (53), Хименес (75).