Ифторлик дастурхонини «Прага» торти билан безанг

Ўз қўлингиз билан тайёрланган ширинлик оила аъзоларингиз учун ҳам севимли бўлишига шубҳа йўқ.

Керакли маҳсулотлар:

• тухум — 2 дона;
• шакар — 100 г;
• ун — 130 г;
• сметана — 200 г;
• қуюлтирилган сут — 400 г;
• сариёғ— 125 г;
• какао — 2 ош қошиқ;
• разрихлитель — 10 г;
• майдаланган бодом — 30 г.

• Тухумга шакар қўшиб, оч ранг бўлгунича яхшилаб аралаштиринг.
• Сметана, қуюлтирилган сут (200 г) ва какао қўшинг.
• Ун ҳамда разрихлителни ҳам қўшиб аралаштиринг.
• Қандолат қоғози солинган махсус идишга аралашмани солинг.
• 180 даража қизиган печда 30 дақиқа давомида пишириб олинг.
• Крем тайёрлаш учун эриган сариёғга қуюлтирилган сут (200 г) қўшиб аралаштиринг.
• Тайёр бўлган бисквитни ўртасидан иккига бўлиб, орасига крем суртинг.
• Майдаланган бодом билан безанг.