Печнинг кераги йўқ: Банан ёрдамида мазаси ажойиб торт тайёрлаймиз

Техника қанчалар ривожланмасин, печсиз ҳам ажойиб таъмли торт тайёрлашнинг имкони бор. Қандай дейсизми? Қуйидаги кетма-кетликни бажарган ҳолда, албатта.

Керакли маҳсулотлар:

• печенье – 200 грамм;
• сариёғ – 180 грамм;
• банан – 3 дона;
• қаймоқли пишлоқ – 200 грамм;
• шакар упаси – 300 грамм;
• қаймоқ – 600 мл;
• какао ёки шоколад.

1. Печеньелар яхшилаб майдаланади. Сариёғ эритилиб, печенье билан аралаштирилади.
2. Тайёр бўлган масса қолипга текислаб солинади ва музлаткичга қўйилади.
3. Бананлар тозаланиб, майда бўлакларга бўлинади.
4. Миксер ёрдамида пишлоқ, шакар упаси ва сариёғ аралаштирилади. Сўнгра банан бўлаклари солинади.
5. Қаймоқ алоҳида идишда қуюлгунча аралаштирилади.
6. Қолипга солинган печенье устидан бананли аралашма солинади. Устидан қаймоқли крем сурилади. Сўнгра какао ва шоколад билан безак берилади.
7. Сўнгра бир неча соатга музлаткичга қўйилади.