Iftorlik dasturxonini “Praga” torti bilan bezang

O‘z qo‘lingiz bilan tayyorlangan shirinlik oila a’zolaringiz uchun ham sevimli bo‘lishiga shubha yo‘q.

Kerakli mahsulotlar:

• tuxum — 2 dona;
• shakar — 100 g;
• un — 130 g;
• smetana — 200 g;
• quyultirilgan sut — 400 g;
• sariyog‘— 125 g;
• kakao — 2 osh qoshiq;
• razrixlitel — 10 g;
• maydalangan bodom — 30 g.

• Tuxumga shakar qo‘shib, och rang bo‘lgunicha yaxshilab aralashtiring.
• Smetana, quyultirilgan sut (200 g) va kakao qo‘shing.
• Un hamda razrixlitelni ham qo‘shib aralashtiring.
• Qandolat qog‘ozi solingan maxsus idishga aralashmani soling.
• 180 daraja qizigan pechda 30 daqiqa davomida pishirib oling.
• Krem tayyorlash uchun erigan sariyog‘ga quyultirilgan sut (200 g) qo‘shib aralashtiring.
• Tayyor bo‘lgan biskvitni o‘rtasidan ikkiga bo‘lib, orasiga krem surting.
• Maydalangan bodom bilan bezang.