Ифторликка печда қиймали картошка пишириб кўринг

Тайёрлаш учун кўп вақт кетмайдиган мазали егулик таъми сиз ва оила аъзоларингизга ёқиши аниқ.

Керакли маҳсулотлар:

• картошка — 6 дона;
• туз;
• ўсимлик ёғи;
• қийма — 450 г;
• саримсоқ пиёз;
• томат пастаси — 2 ош қошиқ;
• мурч;
• тухум — 3 дона;
• сут — 450 г.

1. Бўлакларга бўлинган картошкани 5 дақиқа давомида тузли сувда қайнатиб олинг.
2. Қизиган ёғга майдаланган пиёз, кейин эса қийма солиб қовуриб олинг.
3. Майдаланган саримсоқ, томат пастаси, шунингдек, туз ва мурч қўшинг.
4. Печга қўйишга мўлжалланган идиш четларига ёғ суртинг.
5. Унга картошкани учдан бир қисмини териб чиқинг.
6. Устидан қийма солинг ва шу кетма-кетликни такрорлаб, устини картошка бўлаклари билан ёпинг.
7. Устидан мурч ва туз қўшилган тухумли аралашма қуйинг.
8. 180 даража қизиган печда 45-55 дақиқа давомида пишириб олинг.