Mazasi og‘izda eriydigan tovuqli lag‘mon pishiramiz

To‘yimli va mazali bo‘lgan lag‘monning tovuq go‘shti qo‘shib pishiriladigani odatdagidan tezroq tayyor bo‘ladi.

Quyidagi mahsulotlar kerak bo‘ladi:

• Tovuq go‘shti — 700 gr;
• Piyoz — 2 dona;
• Pomidor — 1 dona;
• Sabzi — 1 dona;
• Bulg‘ori qalampiri — 1 dona;
• Tomat pastasi — 2 osh qoshiq;
• Tayyor yoki uyda tayyorlangan lag‘mon xamiri — 350 gr;
• Ta’bga ko‘ra tuz, murch.

Tayyorlanish jarayoni:

• O‘simlik yog‘i solingan tovaga to‘g‘ralgan tovuq go‘shtini solib, 10 daqiqa davomida qovuring.
• Yarim dumaloq shaklda to‘g‘ralgan piyozni tovaga solib, go‘sht bilan birga yana 10 daqiqa qovuring.
• “Kubik” shaklida to‘g‘ralgan sabzini qo‘shib 5 daqiqa dimlang.
• Pomidor, bulg‘or qalampirini ham “kubik” shaklida to‘g‘rab tovaga soling.
• Tomat pastasi, tuz va murch qo‘shib aralashtiring va qopqog‘ini yopib 15 daqiqa dimlang.
• Xamirni tuzli, qaynagan suvda pishirib oling.
• Pishgan xamirni tovuqli sabzavotlarga qo‘shib aralashtiring.
• Taomga soya qo‘shib, to‘g‘ralgan ko‘k piyoz bilan dasturxonga tortish tavsiya qilinadi.

Yoqimli ishtaha! Mavzuga doir:

• Turk oshxonasining eng mazali nonushtasi — menemen tayyorlaymiz!
• Ozarbayjoncha qatiqli taom — dovg‘a pishirib ko‘ring
• Smetanali sousda qovoqcha va pomidor qo‘shib — paprikash tayyorlab ko‘ring
• Ko‘p mahsulot ketmaydigan mazali “Smak” salatini uyda tayyorlash uchun retsept