Ozarbayjoncha qatiqli taom — dovg‘a pishirib ko‘ring

Ozarbayjon oshxonasiga mansub bo‘lgan dovg‘a yengil hazm bo‘ladi. Qatiq va ko‘katlar jamlanmasi salomatligingiz uchun koni foyda.

Kerakli mahsulotlar:

• Qatiq — 1 l
• Guruch — 4 osh qoshiq
• Ko‘k piyoz — 50 gr
• Yalpiz — 10 gr
• Rayhon — 10 gr
• Tuxum — 1 dona
• Suv — 1, 2 l
• Un — 1 osh qoshiq
• Tuz — ta’bga ko‘ra
• Shivit, petrushka, kinza — ta’bga ko‘ra

• Ko‘katlarni maydalang.
• Idishga solingan qatiqqa, tuxum va un qo‘shib aralashtiring.
• Sovuq suv va tuz qo‘shing.
• O‘rtacha olovga qo‘ying va qaynab ketishiga qo‘ymasdan, yaxshilab aralashtirib turing.
• Pishgan guruch va ko‘katlarni qo‘shing va yaxshilab aralashtiring.