Дунёнинг турли бурчакларида олинган суратларни намойиш қиламиз.
Нон сотиладиган раста ёнида турган қизалоқ.Фото: «Дарё» / Мадина Нурман
Москвадаги Кремль саройида Рюриковичлар сулоласининг таназзулига бағишланган кўргазма очилмоқда. Экспонатлар орасида подшоҳ ҳокимиятининг рамзлари, монархлар хазинасидаги буюмлар, подшоҳ оиласи вакилларининг шахсий буюмлари ва муҳим ҳужжатлар мавжуд.Фото: «ТАСС»
Миллий-тарихий кийимдаги индонезиялик коронавирусга қарши ўз машинасида эмланмоқда. Мамлакат аҳолиси хитой вакцинаси билан коронавирусга қарши оммавий эмланмоқда. Хитойнинг COVID-19’га қарши Sinovac вакцинаси Индонезияда 97 фоиз самарадорлик кўрсатган.Фото: Getty Images
Австралиянинг Квинсленд штатининг жануби-шарқида кучли шамол тўлқинларни вужудга келтирмоқда. Бундан маҳаллий аҳоли сёрфинг учиш учун фойдаланиб қоляпти.Фото: EPA
Мьянмада ҳокимиятнинг ҳарбийлар томонидан эгаллаб олинишига қарши намойишлар давом этмоқда. Ҳарбийлар тўхтовсиз равишда намойишчиларга қарши куч қўлламоқда. Маҳаллий ОАВ ва нодавлат ташкилотлар ҳисоб-китобига кўра, тўнтариш бошлангандан буён 400 дан ортиқ одам ўлдирилган, жумладан, 40 дан ортиқ бола ҳам.Фото: Getty Images
Москва вилоятидаги Алабино полигонида 9 май куни бўлиб ўтадиган Ғалаба парадида иштирок этиш учун пиёда аскарлар ва механизациялашган колоннанинг қўшма машғулоти бўлиб ўтди.Фото: «ТАСС»
Аҳолиси атиги 57 кишидан иборат бўлган Болгариянинг Чемиш қишлоғи яқинида сурувни бошқараётган чўпон. Ушбу қишлоқда қўйларнинг сони аҳоли сонидан бир неча баробар кўп.Фото: Getty Images
Қуддус шаҳрида коррупция иши бўйича суд бўлаётган бино яқинида Исроил бош вазири Биньямин Нетаньяхуга қарши норозилик акциясини ўтказаётган намойишчилар.Фото: Getty Images
Тошкентдаги «Авиасозлар» деҳқон бозорида ўсимлик ёғига юзага келган узун навбат. Қайд этилишича, арзонлаштирилган маҳсулотлар ярмаркасига яқинлашиб бўлмайди. Сабаби у ерда кунгабоқар ёғининг литри 14 500 сўмдан сотилмоқда. Бошқа жойларда эса бундай ёғнинг ўртача баҳоси 20 000 сўм атрофида.Фото: Telegram
АҚШнинг Оринж округида юз берган отишмада ҳалок бўлган тўққиз ёшли Мэттьюнинг отаси Рафаель Фариас (чапда) Рози Фариас (марказда) ва Мэри Алкараз (ўнгда) билан отишма қурбонлари учун мотам тутмоқда.Фото: AP Photo
Анқара яқинидаги Моган кўли устидан учиб кетаётган ёрқин рангли фламинголар. Фламинго сўзи испан ва лотинча «фламенко» сўзидан келиб чиққан бўлиб, у олов маъносини англатади ва қушларнинг патлари рангини билдиради. Бироқ барча фламинголар ҳам рангли бўлмайди. Уларнинг рангланиши қушларнинг рационига боғлиқ.Фото: Shutterstock
Гонконгда Кейп Коллинсон қабристонига вафот этган яқинларига эҳтиром кўрсатиш ва қабрларни супуриш ҳамда Жинг Минг фестивалини нишонлаш учун ташриф буюрган одамлар.Фото: Getty Images
42 ёшли Норсулув Сойипова Самарқанд вилоятининг Нуробод тумани прокурори этиб тайинланди. У республикада туман прокурори сифатида ишлаётган иккинчи аёлга айланди. Тошкент шаҳрининг Яккасарой туманига эса Нилуфар Аллабергенова прокурорлик қилиб келмоқда.Фото: «Халқ сўзи online»
Германиянинг Штутгарт шаҳрида ҳукумат томонидан ўрнатилган коронавирус чекловларига қарши намойиш иштирокчиси канцлер Ангела Меркелнинг ниқобини тақиб олган.Фото: Reuters
Изоҳ (0)