Brazilcha “25-soat”, Ivan Grozniy kiygan toj, Bayden huzuridagi ulkan quyon. 5-aprel suratlari
Dunyoning turli burchaklarida olingan suratlarni namoyish qilamiz.
Non sotiladigan rasta yonida turgan qizaloq.Foto: “Daryo” / Madina Nurman
Moskvadagi Kreml saroyida Ryurikovichlar sulolasining tanazzuliga bag‘ishlangan ko‘rgazma ochilmoqda. Eksponatlar orasida podshoh hokimiyatining ramzlari, monarxlar xazinasidagi buyumlar, podshoh oilasi vakillarining shaxsiy buyumlari va muhim hujjatlar mavjud.Foto: “TASS”
Milliy-tarixiy kiyimdagi indoneziyalik koronavirusga qarshi o‘z mashinasida emlanmoqda. Mamlakat aholisi xitoy vaksinasi bilan koronavirusga qarshi ommaviy emlanmoqda. Xitoyning COVID-19’ga qarshi Sinovac vaksinasi Indoneziyada 97 foiz samaradorlik ko‘rsatgan.Foto: Getty Images
Avstraliyaning Kvinslend shtatining janubi-sharqida kuchli shamol to‘lqinlarni vujudga keltirmoqda. Bundan mahalliy aholi syorfing uchish uchun foydalanib qolyapti.Foto: EPA
Myanmada hokimiyatning harbiylar tomonidan egallab olinishiga qarshi namoyishlar davom etmoqda. Harbiylar to‘xtovsiz ravishda namoyishchilarga qarshi kuch qo‘llamoqda. Mahalliy OAV va nodavlat tashkilotlar hisob-kitobiga ko‘ra, to‘ntarish boshlangandan buyon 400 dan ortiq odam o‘ldirilgan, jumladan, 40 dan ortiq bola ham.Foto: Getty Images
Moskva viloyatidagi Alabino poligonida 9-may kuni bo‘lib o‘tadigan G‘alaba paradida ishtirok etish uchun piyoda askarlar va mexanizatsiyalashgan kolonnaning qo‘shma mashg‘uloti bo‘lib o‘tdi.Foto: “TASS”
Vengriyada bolalar Pasxa bayrami elementi hisoblangan rangli tuxum shaklidagi sharlarni daraxtga bog‘lab chiqmoqda. Pasxa — yahudiy va xristianlarning bahor bayrami. Qadimda ko‘chmanchi semit qabilalari Pasxani chorva mollarining bahorgi bolalash vaqtida bayram qilgan. Bu qabilalarning o‘troqlashishi va dehqonchilik bilan shug‘ullanishi natijasida Pasxa yig‘im-terim bayramiga aylangan.Foto: EPA
Ugandaning janubi-g‘arbiy qismidagi Bvindi milliy bog‘idagi tog‘ gorillasining bolasi. Tog‘ gorillasi qizil kitobga kiritilgan. Bu turdagi primatlar dunyo bo‘yicha jami mingtacha qolgan.Foto: “TASS”
Aholisi atigi 57 kishidan iborat bo‘lgan Bolgariyaning Chemish qishlog‘i yaqinida suruvni boshqarayotgan cho‘pon. Ushbu qishloqda qo‘ylarning soni aholi sonidan bir necha barobar ko‘p.Foto: Getty Images
Quddus shahrida korrupsiya ishi bo‘yicha sud bo‘layotgan bino yaqinida Isroil bosh vaziri Binyamin Netanyaxuga qarshi norozilik aksiyasini o‘tkazayotgan namoyishchilar.Foto: Getty Images
Vengriya an’anaviy Pasxa bayrami doirasida ayolga suv sepayotgan “Markal” raqs ansamblining a’zolari.Foto: Reuters
Sidney opera teatrida “Nyu-York lahjalari: suv shakli” nomli chiqishni mashq qilayotgan avstraliyalik balet raqqoslari.Foto: AP Photo
Belgiyalik Natali Lebbe 59 kilogramm vazn toifasida og‘ir atletika bo‘yicha Moskvada o‘tkazilayotgan 2021-yilgi Yevropa chempionatidagi chiqishi vaqtida.Foto: EPA
Buyuk Britaniya qirolichasi Yelizaveta II va Uels grafi shahzoda Charlz Britaniyaning Vindzor shahridagi Frogmore House bog‘ida suratga tushdi.Foto: Reuters
Toshkentdagi “Aviasozlar” dehqon bozorida o‘simlik yog‘iga yuzaga kelgan uzun navbat. Qayd etilishicha, arzonlashtirilgan mahsulotlar yarmarkasiga yaqinlashib bo‘lmaydi. Sababi u yerda kungaboqar yog‘ining litri 14 500 so‘mdan sotilmoqda. Boshqa joylarda esa bunday yog‘ning o‘rtacha bahosi 20 000 so‘m atrofida.Foto: Telegram
AQShning Orinj okrugida yuz bergan otishmada halok bo‘lgan to‘qqiz yoshli Mettyuning otasi Rafayel Farias (chapda) Rozi Farias (markazda) va Meri Alkaraz (o‘ngda) bilan otishma qurbonlari uchun motam tutmoqda.Foto: AP Photo
Anqara yaqinidagi Mogan ko‘li ustidan uchib ketayotgan yorqin rangli flamingolar. Flamingo so‘zi ispan va lotincha “flamenko” so‘zidan kelib chiqqan bo‘lib, u olov ma’nosini anglatadi va qushlarning patlari rangini bildiradi. Biroq barcha flamingolar ham rangli bo‘lmaydi. Ularning ranglanishi qushlarning ratsioniga bog‘liq.Foto: Shutterstock
Gonkongda Keyp Kollinson qabristoniga vafot etgan yaqinlariga ehtirom ko‘rsatish va qabrlarni supurish hamda Jing Ming festivalini nishonlash uchun tashrif buyurgan odamlar.Foto: Getty Images
42 yoshli Norsuluv Soyipova Samarqand viloyatining Nurobod tumani prokurori etib tayinlandi. U respublikada tuman prokurori sifatida ishlayotgan ikkinchi ayolga aylandi. Toshkent shahrining Yakkasaroy tumaniga esa Nilufar Allabergenova prokurorlik qilib kelmoqda.Foto: “Xalq so‘zi online”
Germaniyaning Shtutgart shahrida hukumat tomonidan o‘rnatilgan koronavirus cheklovlariga qarshi namoyish ishtirokchisi kansler Angela Merkelning niqobini taqib olgan.Foto: Reuters
AQSh prezidenti Jo Bayden, birinchi xonim Jill Bayden va Pasxa quyoni kostyumini kiyib olgan odam Oq uyning Moviy xonasi balkonida turibdi.Foto: Reuters
Sharqiy Timor poytaxti Dilida suv toshqinlari zarar yetkazgan yo‘l bo‘yida turgan odamlar.Foto: Reuters
Toshkent viloyati Yuqori Chirchiq tumanidagi Yangibozorga ketish yo‘lidagi Ulug‘ Vatan urushi qatnashchilari xotirasiga bag‘ishlangan G‘alaba haykali atrofida yurgan qo‘y-qo‘zilar.Foto: “Daryo” / Madina Nurman
Braziliyaning San-Paulu shahrida COVID-19 cheklovlari talablarini buzayotganlarga qarshi politsiyaning tungi klubdagi reydi vaqtida yuzini yashirayotgan ayollar. Braziliyada ham “25-soat” ko‘rsatuvi bo‘lganda u “25 horas” deb nomlangan bo‘lardi :).Foto: Reuters
Izoh (0)