Buyuk Britaniya qirolichasi Yelizaveta II o‘zi bilan doim ichida shokoladlar bor sirli qutini olib yuradi va uning ichidagi shirinlikni faqat o‘zi yeydi. Bu haqda qirolichaning amakivachchasi 91 yoshli Pamela Xiks ITV telekanali orqali efirga uzatilgan “Qirolicha bilan o‘tgan yillarim” (My years with The Queen) hujjatli filmida ma’lum qildi, deb yozadi Esquire.

Foto: Legion Media

“Uning shokoladli konfetlar saqlanadigan shaxsiy qutichasi bor bo‘lib, uni o‘z xonasida saqlaydi, chunki oila a’zolari shu qadar ochofatki, shirinliklarni tezda yeb qo‘yadi”, — deydi qirolichaning qarindoshi.

Xiksning ta’kidlashicha, uning Nayola laqabli mangusti tez-tez qirolichaning yotog‘iga kirib, shirinliklarni o‘g‘irlab yegan. “Nayolaning xonamga kirishiga qarshi emasman, bu hatto menga yoqadi. Nayola shokoladlar solingan qutimni ochadi, ammo har safar ham shokoladlarimni tishlay oladimi?”, — deya qirolichaning amakivachchasi uning so‘zlarini keltiradi.

“Qirolicha bilan o‘tgan yillarim” hujjatli filmining premyerasi 1-aprel kuni ITV telekanalida orqali bo‘lib o‘tdi. Unda 1947-yilda gersog Filipp va Yelizaveta II ning to‘yida kelinning dugonasi bo‘lgan Xiks birinchi bor qirolicha bilan munosabatlari haqida so‘zlab bergan.