Тошкентнинг Яшнобод туманида 60 ёшли аёл юк машинаси уриб кетиши оқибатида ҳалок бўлди. Бу ҳақда пойтахт ЙҲХББ матбуот хизмати хабар берди.
Воқеа 24 март куни соат 17:55 да туманнинг Мухтор Ашрафи ва Иззат кўчалари кесишмасида рўй берган. 24 ёшли ҳайдовчи Р.А. DAF юк машинасини бошқариш давомида белгиланмаган жойдан йўлни кесиб ўтаётган пиёда 60 ёшли аёл О.Л.ни уриб юборган.
Дастлабки маълумотларга кўра, пиёда транспорт воситасининг ҳайдовчига кўринмайдиган «кўр» ҳудудида бўлган. Аёл олган жароҳатлари туфайли воқеа жойида ҳалок бўлган.
Ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) бўйича жиноий иш қўзғатилди. Бир қатор экспертизалар тайинланиб, тергов олиб борилмоқда.
2020 йилнинг октябрида Сурхондарёда ҳам шундай ЙТҲ юз берганди. Юк машинаси ҳайдовчиси йўлнинг белгиланмаган қисмидан ўтаётган икки пиёдани кўрмай, уларни уриб кетган. Оқибатда пиёдалардан бири олган тан жароҳатидан шифохонада вафот этган.
Мавзуга доир:
- Наманганда Isuzu юк машинаси пиёдани уриб юборди. Жабрланувчи шифохонада вафот этди
- Сергелида MAN юк машинаси пиёдани босиб кетди. Жабрланувчи воқеа жойида ҳалок бўлди
- Бухорода автомобилини кўздан кечираётган ҳайдовчини юк машинаси уриб кетди. Жабрланувчи воқеа жойида вафот этди
- Фарғонада юк машинаси йўл четида кетаётган пиёдани уриб юборди. Жабрланувчи шифохонада вафот этди
Изоҳ (0)