Наманганда Isuzu юк машинаси йўлни кесиб ўтаётган пиёдани уриб юбориб, унинг ўлимига сабаб бўлди.
ИИВ матбуот хизматининг хабар беришича, воқеа 21 март куни соат 23:40 ларда, Пунгон—Наманган йўлининг 66 километрида юз берган. Юк машинасини ишонч қоғози билан бошқариб кетаётган ҳайдовчи ҳаракат хавфсизлигини таъминлай олмай, йўлни кесиб ўтаётган пиёдани уриб юборган.
Оқибатда пиёда оғир тан жароҳати олиб, шифохонада кўрсатилган тез тиббий ёрдамга қарамай, вафот этган.
Ҳолат юзасидан Тўрақўрғон туман ИИБ ҳузуридаги ТБ томонидан 22 март куни Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Аввалроқ Тошкентда опера ва балет театрининг икки ходимини театр ёнида машина уриб кетгани, улардан бири вафот этгани ҳақида хабар берилган эди. Ҳолат юзасидан жиноят иши қўзғатилган.
Шунингдек, Тошкентда Mercedes-Benz уриб кетган икки пиёдадан бири ҳалок бўлгани, Андижонда икки Nexia йўлни кесиб ўтаётган велосипедчини уриб кетгани, Навоийда йўлнинг белгиланмаган қисмидан кесиб ўтган маст пиёда Nexia уриб кетиши оқибатида вафот этгани ҳақида хабар берилган эди.
Изоҳ (0)