Ўзбекистонда автомобиллар учун пулли йўллар нархи қанча бўлиши маълум қилинди. Унда машиналар 150 км тезликда ҳаракатланиши мумкин бўлади

Давлат-хусусий шерикликни ривожлантириш агентлиги вакили Тошкент—Андижон пуллик йўлининг нархи қанча бўлишини маълум қилди, деб хабар беради O‘zLiDeP матбуот хизмати.

Агентлик вакилининг сўзларига кўра, Тошкент—Самарқанд йўлида 150 километр тезлик билан ҳаракатланувчи машина 2 соатда манзилига етади. Қайд этилишича, ушбу йўлда соатига 150 километр тезликда юриш мумкинлиги белгиланмоқда. Бу максимум тезлик ҳисобланади.

Тошкент—Андижон йўлида эса Қамчиқ довонида 60—70 километр тезлик минимум этиб белгиланади. Шунингдек, йўлнинг қолган қисмида автомобиль 150 километр/соат тезлик билан ҳаракатланиши мумкин бўлади.

Тахминий ҳисоб-китобларга кўра, енгил машиналар учун:

• Тошкент—Андижон — 5 АҚШ доллари атрофида;
• Тошкент—Ангрен — 1,7 АҚШ доллари атрофида;
• Тошкент—Қўқон — 1-2 АҚШ доллари атрофида.

• Тошкент—Андижон — 20 АҚШ доллари атрофида;
• Тошкент—Самарқанд — 5-6 АҚШ доллари атрофида.