00:00, 25.03.2020 79880

Ёпилган Тошкент, коронавирусдан ҳимояланаётган Путин, ниқоб тақилган ҳайкаллар. 24 март суратлари

24 март, сешанба куни, дунёнинг турли бурчакларида олинган энг қизиқарли суратлар жамланмасини тақдим этамиз.

Ухандаги Dongfeng Honda компанияси ишчилари бир-биридан 1,5 метр масофа сақлаб тушлик қилмоқда. Автомобиль ишлаб чиқарувчиси COVID-19 туфайли узоқ танаффусдан сўнг ишчиларнинг 95 фоизи ишга қайтган.

Фото: EPA

Мавзуга доир: Хитойда Уханга қўйилган транспорт чекловлари қачон олиб ташланиши маълум қилинди

Оқ уйда коронавирус бўйича Дональд Трамп иштирокидаги ҳар кунлик брифинг олдидан ишчилар минбарни дезинфекция қилмоқда.

Фото: Reuters

Мавзуга доир: Трамп коронавирус сабаб жорий этилган чекловларни бекор қилиш режаси ҳақида гапирди

Италия коронавирус юқтириб олганлар сони бўйича Европада биринчи, қурбонлар сони бўйича эса дунёда биринчи бўлиб турибди. Италияда ҳозиргача 6820 та ўлим ҳолати қайд этилган.

Фото: Reuters

Мавзуга доир: Коронавирусга чалинганлар сони дунё бўйича 400 минг кишидан, қурбонлар сони эса 18 мингдан ошиб кетди

Тошкент шаҳридаги «Эркин» постини қўриқлаётган ҳарбийлар. 24 март соат 00:01 дан бошлаб пойтахтга автобус, микроавтобус, енгил автотранспорт, авиақатновлар ва темир йўл транспорт воситалари орқали кириш тақиқланган.

Фото: «Дарё»

Мавзуга доир: Тошкент шаҳрини вилоятлар билан боғловчи постлар ёпилди. «Эркин» йўл-патруль хизмати маскани — суратларда

Бразилияда коронавирус тарқалишининг олдини олиш мақсадида тиббиёт ходими кекса аёлни гриппга қарши эмламоқда.

Фото: Reuters

Владимир Путин коронавирус юқтиришда гумонланган беморлар жойлаштирилган шифохонага ташриф буюрди. Президент сариқ ҳимоя костюми кийиб олди.

Фото: Россия президенти матбуот хизмати

Мавзуга доир: Бир ҳафта ичида Тошкент шаҳри ва барча вилоятларда карантинга мослаштирилган базалар ташкил этилади

Москвадаги коронавирусга чалинишда гумон қилинган беморлар шифохонасидаги Владимир Путин.

Фото: Россия президенти матбуот хизмати

Британиядаги умуммиллий карантиннинг биринчи кунида бўш кўчаларда кетаётган ёлғиз велосипедчи.

Фото: Getty Images

Мавзуга доир: Сизда ҳозир кун бўйи уйда ўтириб, миллат қаҳрамони бўлиш имконияти бор. Уйда қолинг

Швейцариянинг Цюрих шаҳридан Кубанинг Гавана шаҳрига учаётган охирги самолётдаги кубалик йўловчи. 315 кишига мўлжалланган самолётда 12 киши учиб кетди.

Фото: Getty Images

Мавзуга доир: Тошкент—Москва—Тошкент янги чартер қатновлари қачон амалга оширилиши маълум қилинди

Австрия пойтахти Венадаги драматург, комедия актёри, опера қўшиқчиси бўлган Иоганн Нестройнинг ҳайкалига ниқоб тақиб қўйилди.

Фото: Getty Images

Мавзуга доир: Ўзбекистонда коронавирусга чалинганлар сони 50 нафарга етди

Камбоджада кийилган оёқ кийимларни сотишга олиб кетаётган эркак.

Фото: AFP

Дональд Трампнинг Оқ уйдаги брифингда нутқи ёзилган қоғозда «Хитойнинг» деб ёзилган сўзнинг устидан чизиб қўйилган.

Фото: Getty Images

Мавзуга доир: Иссиқ ҳарорат коронавирусни ўлдирадими? Барчани ўйлантираётган саволга жавоб қидирамиз

Жазоирдаги хиёбонни дезинфекция қилаётган ишчи.

Фото: Reuters

Мавзуга доир: Карантиндан чиқмай айланиш мумкин бўлган Лувр, Эрмитаж ва яна 10 та музей

Пекиндаги боғда ниқоб тақиб дарахт устида ўтирган қўриқчи.

Фото: Reuters

Мавзуга доир: Туркия ва Ҳиндистонда минглаб одамлар уйи балконидан турган ҳолда коронавирусга қарши курашаётган шифокорларни олқишлади (видео)

Оклахома штатидаги аэропортнинг учиш-қўниш йўлагида тўпланиб турган American Airlines компаниясининг самолётлари.

Фото: Reuters

Индонезиянинг Банда-Ачех шаҳридаги бозорда ниқоб тақиб кетаётган аёл.

Фото: Reuters

Мавзуга доир: Ўзингизни алдашни бас қилинг! Карантинда шуғулланиш учун 10 та мотивацион тавсия

Швейцариянинг Монтрё шаҳридаги Фредди Меркьюрининг ҳайкалига ниқоб тақилиб, «Уйда қолинг» ёзуви осиб қўйилди. Мамлакатда коронавирусга чалинганлар 9 мингдан ошиб кетди.

Фото: EPA