Саудия Арабистонининг Мадина шаҳрида коронавирус инфекцияси келтириб чиқарган биринчи ўлим ҳолати қайд этилди. Бу ҳақда мамлакат Соғлиқни сақлаш вазирлиги вакилининг Twitter’даги саҳифасига асосланиб, Saudi Gazetta нашри хабар қилган.
Вазирлик вакилининг сўзларига кўра, вафот этган бемор келиб чиқиши афғонистонлик фуқаро.
Унинг айтишича, қиролликда 24 март ҳолати бўйича COVID-19 коронавируси билан касалланганлар сони 676 нафарга етган.
Аввал Саудия Арабистони қироли коронавирус тарқалишининг олдини олиш мақсадида қиролликда соат 19:00 дан 06:00 га қадар комендантлик соати эълон қилиниши ҳақидаги фармонни имзолаганди. Ушбу вақт давомида барча жойларда хавфсизлик хизмати ходимлари навбатчилик қилади, фуқароларга фақат зарурат бўлган тақдирдагина уйларидан чиқишга рухсат этилади.
Саудия Арабистонидаги Ал-Ҳаром ва Набавий Масжидида ҳам жамоат намозлари ўқилиши тўхтатилганди, аввалроқ мамлакатда жамоат намозлари ўқилиши вақтинча тўхтатилганди.
Изоҳ (0)