31-mart kuni aktyor Kim Su Xyon ko‘plab mojarolar va mish-mishlarga sabab bo‘lgan ayblovlardan so‘ng, birinchi marta voqealarga o‘z munosabatini bildirdi. U Kim Se Ronning o‘limiga oid ilgari berilgan ma’lumotlarga raddiya bildirdi hamda sudga murojaat qilish niyatida ekanini aytdi, deb xabar berdi Korea JoongAng Daily nashriga tayanib “Pravila jizni”.
-NFpCOltl.avif)
45 daqiqa davom etgan matbuot anjumanida aktyor o‘z nutqini Kim Se Ron bilan munosabatlarini avvaliga inkor qilgani uchun uzr so‘rab boshladi:
“Men bu rishtalarning oqibatidan qo‘rqar edim. Bir necha yil oldin u bilan uchrashganimni qanday tarzda tan olish haqida ko‘p o‘yladim va doim bosim ostida bo‘ldim. So‘ng meni yolg‘on ma’lumotlarni tan olishga majbur qilishdi, ammo men haqiqatga qarshi chiqishga rozi bo‘lmadim” dedi Kim Su Xyon.
Kim Se Ron bilan munosabatlarini tasvirlar ekan, u bo‘lgan vaziyatni quyidagicha tushuntirdi:
“Agar biz ikkovimiz ham aktyorlar bo‘lmaganimizda edi, bizning juftligimiz shunchaki odatiy holat sifatida qaralardi. Aslida biz haqiqatda samimiy bo‘lgan tuyg‘ular bilan uchrashdik va barcha muvaffaqiyatsiz davom etgan juftliklar kabi ajrashdik. So‘ng boshqa aloqaga chiqmadik”, deya so‘zida davom etdi aktyor.
Shuningdek, Kim Su Xyon vafot etgan aktrisaning oila a’zolari va Garosero Research Institute YouTube kanali ustidan da’vo arizasi berish niyatida ekanligini ma’lum qildi. U Kim Se Ron xolasini sudga berishi hamda kompaniya ikkisidan 12 milliard von (taxminan 8150 AQSH dollari) miqdorda tovon puli talab qilishini aytdi.
“Men qarorlarim uchun har qanday tanqidni qabul qilaman, lekin bu yolg‘on haqiqatga aylanishi kerak, degani emas. Agar menga nisbatan ayblovlar haqiqat bo‘lsa, marhumaning oilasi barcha dalil va materiallarni tergov organlariga topshirsin, men tayyorman”, dedi u.
Janubiy Koreya ommaviy axborot vositalari ta’kidlashicha, matbuot anjumani davomida Kim Su Xyon biron marta aktrisaning ismini tilga olmagan, u faqat “marhuma” so‘zidan foydalangan.
Eslatib o‘tamiz, 16-fevral kuni Kim Se Ron o‘z kvartirasida o‘lik holda topilgan. Qizning oilasi “Hotel del Luna” drama serialining aktyori Kim Su Xonni qizning o‘limida ayblagan. Mojarolar ta’sirida Kim Su Xyon bir nechta brend bilan tuzilgan shartnomalarni yo‘qotgan.
Izoh (0)