“Inter Mayami” hujumchisi Lionel Messiga Saudiya Arabistonining to‘rtta klubi — “Al-Ahli”, “Al-Hilol”, “Al-Ittihod” va “An-Nassr” jiddiy qiziqish bildirmoqda. Bu haqda TEAMtalk nashri xabar berdi.
Avvalroq Saudiya Arabistonining Davlat investitsiya jamg‘armasi (PIF) Messi bilan transfer bo‘yicha muzokaralarni qayta boshlagani haqida ma’lumotlar paydo bo‘lgan edi.
Hozircha argentinalik futbolchi bu taklifga tayyor ekanligini aniq bildirgani yo‘q. Agar Messi transferga tayyorligini bildirsa, unda qaysi klubga o‘tishi masalasi keyingi bosqich muzokaralar mavzusiga aylanadi. Hozirda “Al-Ahli”, “Al-Hilol”, “Al-Ittihod” va “An-Nassr” ham Leoni o‘z safiga qo‘shib olishdan manfaatdor.
Manda aytilishicha, Saudiya Arabistoni Messini Krishtianu Ronaldu bilan bir qatorda liga yuziga aylantirmoqchi. Agar argentinalik yulduz rozi bo‘lsa, transfer yozda yoki 2026-yilning boshida amalga oshishi mumkin.
Eslatib o‘tamiz, Messi hozirgi shartnomasi muddati tugashidan olti oy oldin, ya’ni 1-iyuldan boshlab, boshqa klublar bilan erkin agent sifatida muzokara o‘tkazish va kelishuv imzolash huquqiga ega bo‘ladi.
Izoh (0)