Italiyalik murabbiy Fabio Kapello “Inter Mayami” hujumchisi Lionel Messi va “An-Nassr” hujumchisi Krishtianu Ronaldu haqida gapirdi.
“Ronaldu ajoyib futbolchi va to‘purar, u ko‘plab unvonlar va “Oltin to‘p”ni qo‘lga kiritgan, ammo u Lionel Messi kabi zo‘r emas. U ajoyib futbolchi, ammo daho emas”, — deya Kapelloning so‘zlarini keltiradi Sport.
Messi 2023-yilning yozidan buyon “Inter Mayami”da o‘ynamoqda. Argentinalik futbolchining klub bilan tuzgan shartnomasi 2025-yilgacha mo‘ljallangan. Joriy mavsumda Messi “Inter Mayami” safida barcha musobaqalarda to‘qqizta o‘yin o‘tkazib, to‘qqizta gol va beshta golli uzatmani amalga oshirdi.
Joriy mavsumda Ronaldu barcha turnirlarda 37 ta o‘yinda qatnashib, 36 ta gol va 12 ta golli uzatmani amalga oshirdi. U 2023-yildan buyon "An-Nassr"da o‘ynab kelmoqda.
Eslatib o‘tamiz, Lionel Messi faoliyati davomida sakkiz marta “Oltin to‘p”ni qo‘lga kiritgan va bu ko‘rsatkich bo‘yicha rekordchi hisoblanadi. Ronaldu esa o‘z navbatida 5 marta “Oltin to‘p”ni qo‘lga kiritgan.
Italiyalik murabbiy 1996—1997 hamda 2006—2007-yillarda “Real Madrid” klubini boshqargan.
Izoh (0)