• USD12768.26
    • RUB162.63
    • EUR14400.04
    Daryo.uz - Login
    O‘zbekiston

    Toshkent metrosi uchun 2025-yili 26 ta poyezd xarid qilinishi rejalashtirilmoqda

    So‘nggi 7 yilda Toshkent metropolitenida bekatlar soni 29 tadan 50 taga yetdi, deb xabar berdi Transport vazirligi matbuot xizmati. 

    Foto: “Daryo” / Madina Nurman

    Maʼlum qilinishicha, metro liniyalarning umumiy uzunligi esa 38 kilometrdan 71 kilometrgacha oshdi. 

    2017-yildan 2019-yilgacha 36 ta poyezd ekspluatatsiya qilingan. 2024-yilga kelib ularning soni 65 taga yetkazildi. 

    2025-yil yakuniga qadar yana 26 ta zamonaviy tarkib xarid qilinishi rejalashtirilgan. 

    “Bu esa poyezdlar qatnov oraliq vaqtlarini sezilarli darajada qisqartiradi va yo‘lovchilar uchun sharoitlarni yanada qulaylashtiradi”, deyiladi xabarda.

    Kengayib borayotgan Toshkent metrosi

    “O‘zbekiston–2030” strategiyasining barqaror iqtisodiy o‘sish orqali aholi farovonligini ta’minlash yo‘nalishi bo‘yicha 2024-yilga mo‘ljallangan amaliy tadbirlar rejasida Toshkent jamoat transporti tizimini rivojlantirish ham ko‘zda tutilgandi. Unda Toshkent metropoliteni uchun 11 ta yangi metro poyezdini (44 ta vagon) xarid qilish belgilangandi.

    Eslatib o‘tamiz, fevral oyida to‘rt vagonli yangi 3 ta metro harakat tarkibi olib kelingandi. Aprel oyida esa yana to‘rt vagonli ikkita yangi metro poyezdlari keltirilgan.

    29-may kuni Toshkent metropoliteni vagon parkiga yana yangi to‘rt vagonli 3 ta zamonaviy metro poyezdlari olib kelindi.

    #metro#metropoliten

    Javob qoldiring

    Mavzuga doir

    ×Lightbox Image