Toshkent metrosining Yerusti halqa yo‘lining II bosqichi doirasidagi Quruvchilar dahasidan Sergeli mavzesiga qadar qurilayotgan ikkita yangi metro bekatlarida (“Turon” va “Qipchoq”) qurilish ishlari o‘z yakuniga yetkazildi.
Metropoliten ma’muriyatining xabar qilishicha, shu munosabat bilan metropoliten qurilish qoidalari va me’yorlariga ko‘ra, “Turon” (13-bekat) va “Qipchoq” (14-bekat) bekatlarida 15-dekabrdan boshlab sinov tariqasida (yo‘lovchilarsiz) poyezdlar harakati yo‘lga qo‘yildi.
Sinov muddati yakuni va yangi bekatlarning yo‘lovchilar uchun xizmat ko‘rsatishning boshlanish muddati to‘g‘risidagi ma’lumotlar sinov natijalari asosida qo‘shimcha ravishda taqdim etiladi.
Izoh (0)