Toshkent metropoliteni “Olmazor”—“Yangihayot” bekatlari oralig‘ida poyezdlar harakati bir tomonlama tashkil etilishidan ogohlantirdi.
Ma’lum qilinishicha, metropolitenda xavfsizlikni ta’minlash bo‘yicha rejadagi profilaktik ishlarni bajarilishi munosabati bilan 26-mart kuni soat 23:00 dan 00:00 gacha “Chilonzor” yo‘nalishining “Olmazor” — “Yangihayot” (4-bekat) bekatlari oralig‘ida poyezdlar harakati bir tomonlama (chelnok), oraliq vaqt intervallari saqlangan holda tashkil etiladi.
Shuningdek, “Yangihayot” (4-bekat) va “Chinor” (5-bekat) bekatlari oralig‘ida bu vaqt davomida bepul avtobus harakati yo‘lga qo‘yiladi.
24-mart kuni metropolitenning Sergeli uchastkasida metro yo‘lining ustki qismida metal konstruksiya o‘rnatish ishlari olib borilgani sabab ushbu uchastkadagi poyezdlar harakati soat 23:00 dan 00:00 gacha bir tomonlama tashkil etilgandi.
Metropoliten bu haqda avvalroq ogohlantirish bilan chiqmagani sabab ijtimoiy tarmoqlarda Chilonzor yo‘nalishida poyezdlar harakati kechikayotgani haqida turli xabarlar tarqalgandi.
Izoh (0)