Ijtimoiy tarmoqlarda Toshkent metrosida yana nosozlik kuzatilgani haqida videolar tarqaldi. Metropoliten matbuot xizmati holatga izoh berdi.
Ma’lum qilinishicha, 7-fevral kuni soat 08:55 larda Chilonzor yo‘nalishining Hamid Olimjon—Amir Temur xiyoboni peregonida harakatlanayotgan 10-sonli harakat tarkibida texnik nosozlik holati kuzatilgan.
Buning natijasida, ushbu harakat tarkibi uch daqiqa vaqt davomida harakatlana olmagan. Shu sababli ortdan kelayotgan 4-sonli harakat tarkibi bilan tirkamaga olingan holda harakat tarkibi tekshiruv yo‘lagi tomon yuborilgan.
“Hozirgi vaqtda yo‘nalishda poyezdlar harakati belgilangan jadval asosida amalga oshirilmoqda. Keltirilgan noqulayliklar yuzasidan yo‘lovchilardan uzr so‘raymiz”, — deyiladi xabarda.
Izoh (0)