Klublar o‘rtasidagi Jahon chempionati 2-turida “PSJ” klubi Braziliyaning “Botafogo” klubiga mag‘lub bo‘lgan edi. Parijliklar bosh murabbiyi Luis Enrike mazkur bahsdan so‘ng o‘z fikrlarini bildirdi.
Murabbiy natijadan hafsalasi pir bo‘lganini aytdi.
“Bahs juda keskin o‘tdi. “Botafogo” himoyada ishonchli harakat qildi. Liga 1 yoki Chempionlar ligasidagi bir nechta jamoalar kabi.
O‘yin boshidan oxirigacha qiyin kechdi va bu normal holat. Bizga qarshi o‘yinlar raqiblar uchun qo‘shimcha motivatsiya.
Biz yana-da yaxshiroq harakat qilishimiz kerak. Bu borada hafta boshidan beri gaplashyapmiz. Turnirdagi uchrashuvlar qiyin kechishi ham normal holat”, — deydi Enrike.
Maʼlumot uchun, ikki tur yakuniga ko‘ra, “Botafogo” 6 ochko bilan keyingi bosqich masalasini hal qilib bo‘ldi. “PSJ” va “Atletiko” hisobida 3 ochkodan mavjud. “Sietl Saunders” esa hozircha ochkosiz qolmoqda.
Izoh (0)