Fransiyalik mutaxassis Zinedin Zidan murabbiylik faoliyatini Liga 1 da davom ettirishi mumkin.
Transfer News Live’ning ijtimoiy tarmoqlarda xabar berishicha, “PSJ” rahbariyati Zidanga qiziqish bildirmoqda. Qayd etilishicha, parijliklar rahbariyati ispaniyalik murabbiy Luis Enrike klub bilan Chempionlar Ligasi pley-off bosqichiga chiqa olmasa, uni iste’foga chiqarishni o‘ylab ko‘radi.
Ma’lumot uchun, Zinedin Zidan “Real”ni 2016-2018 va 2019—2021-yillarda boshqargan. Fransiyalik murabbiy “qirollik klubi” bilan birgalikda ikki karra Ispaniya chempioni, ikki karra Ispaniya Superkubogi va uch karra Chempionlar Ligasi g‘olibi bo‘ldi.
Avvalroq fransiyalik mutaxassis “Manchester Yunayted”ni boshqarishi mumkinligi haqida xabar tarqalgan edi.
Izoh (0)