Mbappe, Dembele va Obameyang. Fransiya chempionatining eng yaxshi futbolchisi bo‘lish uchun da’vogarlar e’lon qilindi

Kilian Mbappe Fransiya chempionatida mavsumning eng yaxshi futbolchisi bo‘lish uchun daʼvogarlar qatoridan joy oldi.

Fransiya professional futbolchilar uyushmasi chempionat yakunida turli sovrinlarga da’vogarlik qilayotgan futbolchi va murabbiylar ro‘yxatini e’lon qildi:

— eng yaxshi futbolchi: Kilian Mbappe (“PSJ”), Usmon Dembele (“PSJ”), Pyer-Emerik Obameyang (“Marsel”), Edon Jegrova (“Lill”) va Pyer Le Melu (“Brest”);

— eng yaxshi darvozabon: Janluijji Donnarumma (“PSJ”), Marko Bizot (“Brest”), Marsin Bulka (“Nitssa), Lukas Chevalye (“Lill”) va Bris Samba (“Lans”);

— eng yaxshi yosh futbolchi: Leni Yoro (“Lill”), Uorren Zair-Emeri (“PSJ”), Rayan Cherki (“Lion”), Elis Ben-Segir (“Monako”), Dezire Duxet (“Renn”);

— eng yaxshi murabbiy: Paulo Fonseka (“Lill”), Luis Enrike (“PSJ”), Erik Roy (“Brest”), Luka Elsner (“Gavre”), Frank Es (“Lans”).

Sovrin egalari 13-may kuni e’lon qilinadi. 

Eslatib o‘tamiz, “PSJ” jamoasi Fransiya chempionati g‘olibiga aylandi. Parijliklar chempionat yakunlanishiga uch tur qolganda chempionlikni qo‘lga kiritdi.