Klublar o‘rtasidagi Jahon chempionatida 1-tur uchrashuvlari davom etmoqda. B guruhining ikki yetakchisi — “Atletiko” hamda “PSJ” 15-iyun, yakshanba oqshomida o‘zaro maydonga tushdi. Qiziqarli kechgan bellashuvda parijliklar 4:0 hisobida g‘alaba qozonib, o‘z hisobiga dastlabki 3 ochkoni qo‘shib qo‘ydi.
Uchrashuvdagi hisob 19-daqiqada Fabian Ruis tomonidan ochildi. Birinchi bo‘lim oxirida esa Vitinya hisobdagi farqni ikkitaga yetkazdi.
Ikkinchi taym oxirida “PSJ” yana ikkita gol kiritishga muvaffaq bo‘ldi. Dastlab Senni Mayulu Yan Oblak darvozasiga yo‘l topdi, 90+7-daqiqada esa Li Kan In penaltidan jamoasining to‘rtinchi goliga mualliflik qildi.
Shu tariqa, “PSJ” Klublar o‘rtasidagi Jahon chempionatini yirik hisobdagi g‘alaba bilan boshladi.
Shuningdek, A guruhi 1-tur doirasidagi “Palmeyras” va “Portu” o‘rtasidagi bahsda hisob ochilmadi. Har ikki jamoa ham navbatma-navbat raqib darvozasi oldida xavfli hujumlar uyushtirdi, biroq gol urishga muvaffaq bo‘lmadi.
Shu tariqa, ikki jamoa ham birinchi turda 1 ochkodan bo‘lishib oldi.
Klublar o‘rtasidagi Jahon chempionati
1-tur
A guruhi
“PSJ” — “Atletiko” 4:0
Gollar: 1:0 — Fabian Ruis (19), 2:0 — Vitinya (45+1), 3:0 — Mayulu (87), 4:0 — Li Kan (90+7, penalti).
“Palmeyras” — “Portu” 0:0
Izoh (0)