Amerikada paparatsilar va mashhurlarni taʼqib qiluvchi muxlislar ko‘p uchraydi. Xyu Jekman ham yangi shousining ertalabki namoyishidan keyin ulardan qochishga to‘g‘ri keldi.
Page Six nashrining xabar berishicha, aktyor Nyu Yorkdagi spektakldan so‘ng muxlislardan qochib qolgan. Muxlislar sevimli yulduzini kutib, Minetta Leyndagi teatrni o‘rab olishgan. Yulduz chiqqach, ular dastxat so‘ray boshlagan va u bilan selfi olishga urinishgan.
Olomondan qutulish uchun Xyu Jekman birinchi uchratgan mashinani to‘xtatib, ularni olib keta olish-olmasliklarini so‘ragan. Rozilik olgach, aktyor tansoqchisi bilan birga mashinaga o‘tirib, jo‘nab ketgan. Taʼkidlash joizki, bu haqiqatan ham tasodifiy holat edi, chunki haydovchi taksi xodimi bo‘lmagan.
Aytgancha, may oyi oxirida “X-Odam” filmi yulduzi deyarli 30 yil birga yashagan xotini Deborra-Li Ferness bilan rasman ajrashdi. Bu ajralish janjallardan holi bo‘lmadi. Bundan tashqari, yaqinda Marvel studiyasi “Qasoskorlar” olamiga oid ikkita yangi film chiqarishini maʼlum qildi. Biroq ularda Rosomaxa paydo bo‘ladimi yo‘qmi hali nomaʼlum.
Izoh (0)