Yaqinda Xyu Jekman va uning rafiqasi Deborra-Li bilan 27 yillik munosabatlardan keyin ajrashayotgani ma’lum bo‘ldi. Aktyor rafiqasi bilan ajrashgandan keyin qayerda yashashi ko‘plab muxlislar uchun qiziq.
“Oilamiz bizning ustuvor vazifamiz bo‘lib kelgan va shunday bo‘lib qoladi. Biz keyingi bosqichga minnatdorchilik, sevgi va mehr bilan kiramiz. Biz shaxsiy hayotimizni tushunganingiz va hurmat qilganingiz uchun juda minnatdormiz, chunki bizning oilamiz butun hayotimiz davomida ushbu vaziyatni boshdan kechirmoqda. Bu aytishimiz mumkin bo‘lgan yagona bayonotdir”, — deya xulosa qildi Xyu va Deborra-Li.
Daily Mail nashrining yozishicha, aktyor rafiqasi bilan ajrashgandan keyin katta ehtimol bilan Avstraliyada yashaydi.
Nashrning yozishicha, u Sidneydagi uyini 2015-yilda 5,9 million dollarga sotib olgan (hozir uning narxi 12 million dollarni tashkil qiladi). Uyda uchta yotoqxona, keng oshxona va balkon bor, biroq eng muhimi — undan okeanning go‘zal manzarasini tomosha qilish mumkin.
Eslatib o‘tamiz, Xyu Jekman va Deborra-Li Furness “Korrelli” detektiv seriali suratga olish maydonchasida tanishib qolgan. Juftlik 1996-yilda turmush qurdi. Juftlikning munosabatlariga yoshdagi katta farq ham to‘sqin bo‘la olmadi: aktyor Deborradan 13 yosh kichik.
Bundan tashqari, o‘sha paytda Xyu endigina kinodagi karyerasini boshlayotgan edi. Aktyorning hamkasbi esa mashhur bo‘lib, uning nomi o‘z vatani Avstraliyada “Uyat” va “Sayohatchi” filmlaridan keyin tanilgan edi. Ular 2000-yilda Oskarni, 2005-yilda Deborra Ava ismli qizni asrab oldi.
Izoh (0)