Aktyorlar ham biz kabi oddiy insonlar. Kasbining bir qator moliyaviy afzalliklari, tomoshabinlar yodida qolgan ajoyib rollariga qaramay, loyiha shunchaki biznes kelishuv natijasi bo‘lishi tabiiy. Quyida film ssenariysi yoqmasa ham, faqat yaxshi gonorar olish uchun suratga tushgan aktyorlar ro‘yxati bilan tanishamiz.
Xyu Grant — “Vonka”
“Vonka” filmida aktyor Xyu Grant mitti qahramonlar — umpa-lumpa obrazida namoyon bo‘ladi va qo‘shiq kuylaydi. Suratga olish jarayoni haqida gapirar ekan, uning personajini juda kichik qilish uchun rejissyorlar ko‘plab jihozlardan foydalangani uchun juda ko‘p noqulayliklarni boshdan kechirganini aytib berdi. Aktyor tan olishicha, u ijro etgan qahramon tanasini professional animator yordamida alohida suratga olishga majbur bo‘lishgan.
“Men ushbu obrazni yoqtirmas edim, ammo oilam va farzandlarimni boqish uchun menga pul zarur”, — dedi Jekman.
Reychel Zegler — “Shazam! Xudolar g‘azabi”
“Vestsayd hikoyasi” premyerasidan so‘ng aktrisa Reychel Zegler Gollivudda shuhrat qozondi va “Oltin Globus” mukofotini qo‘lga kiritdi. Ammo COVID-19 pandemiyasi davrida uni aktrisa sifatida hech kim tanimas edi va unga taklif qilingan barcha rollarga pul va tezroq mashhurlikka erishish uchun rozi bo‘lar edi. Aktrisa “Shazam! Xudolar g‘azabi” kastingiga ham faqat daromad olish maqsadida borgan.
Stiven Dilleyn — “Taxtlar o‘yini”
Ko‘pchilik “Taxtlar o‘yini” kabi keng ko‘lamli loyihalarda ishtirok etishni orzu qilgan bo‘lsa-da, Stiven Dilleyn fentezi serialda rol ijro etishni umuman istamaganini tan oladi. U o‘z qahramonini yoqtirmas va buning ustiga, serial syujetida nimalar bo‘layotganini yaxshi tushunmas edi. Aktyor rolga moliyaviy foyda ko‘rish uchungina rozi bo‘lgan.
Jeki Chan — “Tig‘iz vaqt”
Jeki Chan ko‘pgina filmlaridagi obrazni katta mehr va e’tibor bilan yaratadi. Ammo aktyor “Tig‘iz vaqt”dagi qahramonini yoqtirmas edi. Uning so‘zlariga ko‘ra, Chan rejissyor va ssenariy mualliflariga hech qachon ortiqcha savollar va takliflar bermagan — agar ular yaxshi haq taklif qilishsa, albatta, o‘ziga yoqmaydigan rollarni ham ijro etaveradi.
Lourens Olivye — “Inchxon”
Kinodagi faoliyatining so‘nggi yillarida mashhur aktyor Lourens Olivye Koreyadagi urush haqidagi filmda suratga tushdi. U nima uchun bunday rol ijro etishga rozi bo‘lganini so‘rashganda aktyor shunday javob berdi:
“Boisi juda oddiy — men xuddi parlanib ketayotgan eski vinoga o‘xshayman va oxirim yaqinlashayotganini his qilyapman. Mening ortimdan oilamga puldan boshqa hech narsa qolmaydi. Yaxshi maosh taklif etishgani uchun rolga rozi bo‘lishni pastkashlik deb hisoblamayman”.
Morgan Friman — “Londonning qulashi”
Taniqli aktyor Morgan Frimanning so‘zlariga ko‘ra, unga Gollivudning yirik studiyasidan filmda suratga tushish taklifi tushsa, hech ikkilanmasdan uni qabul qiladi. Chunki film qanday bo‘lishidan qat’i nazar, yirik kinostudiyalar har doim juda yaxshi haq to‘laydi.
Dennis Xopper — “Aka-uka super Mariolar”
Dennis Xopperning aytishicha, u “Aka-uka super Mariolar” filmida faqat pul uchun suratga tushgan, filmning syujeti aktyorga umuman yoqmagan. Uning olti yoshli o‘g‘li otasidan nega bunday ahmoqona filmda rol o‘ynaganini so‘raganida, u o‘g‘liga javoban: “Senga yangi poyabzal sotib olish uchun”, degan.
Bred Pitt — “Vampir bilan intervyu”
Gollivud yulduzi Bred Pitt “Vampir bilan intervyu” filmini suratga olish jarayonini juda yomon ko‘rgan. Aktyorga har kuni qorong‘i studiyada suratga tushish kerakligi salbiy ta’sir ko‘rsatgan. Bir kuni u prodyuserga qo‘ng‘iroq qilib, suratga tushishdan bosh tortish va shartnomani bekor qilish qanchaga tushishini so‘ragan. Javob esa “40 million dollar” edi. Bunday katta yo‘qotish bu aktyorni filmga qaytarib qolgan.
Izoh (0)