Amerikalik tadbirkor Ilon Mask Birlashgan Millatlar Tashkiloti bosh kotibi Antoniu Guterrishning raqamli platformalar haqidagi bayonotidan keyin BMTni moliyalashtirishni to‘xtatishga chaqirdi. U bu haqda X ijtimoiy tarmog‘idagi sahifasida yozdi.
Mask foydalanuvchi tomonidan e’lon qilingan videoga izoh bergan. Videoda Guterresh raqamli platformalar ko‘pincha odamlarni chalg‘itish va ular o‘rtasida dushmanlik uyg‘otish uchun ishlatilishini aytib, jahon tashkilotini bunga munosabat bildirishga chaqiradi.
“BMTni moliyalashtirishdan mahrum qiling”, deya yozgan Mask.
U yaqinda AQSH prezidenti Donald Tramp ma’muriyatidagi Amerika hukumati faoliyati samaradorligini oshirish bo‘yicha idora (DOGE) ishini nazorat qilgan edi.
May oyi boshida Tramp ma’muriyati 2026-moliyaviy yilga (1-oktyabrdan boshlanadi) mo‘ljallangan federal byudjet loyihasini taqdim etdi. Unda AQSHning BMT, YUNESKO va JSSTga badallarini to‘xtatib turish taklif qilingan.
Byudjet loyihasida ta’kidlanishicha, AQSH prezidenti o‘z xohishiga ko‘ra ushbu tashkilotlarga badallarni amalga oshirishni buyurishi mumkin. Bu maqsadlar uchun mablag‘larni “strategik investitsiyalar”ni amalga oshirish uchun tashkil etilishi taklif qilinayotgan 2,9 milliard dollar miqdoridagi maxsus jamg‘armadan ajratish taklif etilmoqda.
Bundan tashqari, hujjatda “zarar ko‘rayotgan tinchlikparvar missiyalarni”, shu jumladan BMT doirasidagi missiyalarni moliyalashtirishdan voz kechish orqali xarajatlarni 1,6 milliard dollarga qisqartirish taklif qilinmoqda.
Izoh (0)