AQSH prezidenti Donald Tramp Shimoliy Atlantika alyansi davlatlari rahbarlari bilan yopiq uchrashuvda Ukrainadagi vaziyat nazoratdan chiqib ketgani va shu bois faol choralar ko‘rish zarurligi haqidagi fikrini bildirdi. Bu haqda Bloomberg manbalariga asoslanib xabar bermoqda.
“Ukraina prezidenti Vladimir Zelenskiy bilan uchrashuvga ishtiyoqi yo‘qligiga qaramay, Tramp alyans rahbarlari bilan yopiq uchrashuvda Ukraina masalasida nimadir qilish kerakligini aytdi, chunki vaziyat “butunlay nazoratdan chiqib ketgan”, dedi agentlikka nomi oshkor etilmaslik sharti bilan suhbatdosh.
Shu bilan birga, u Oq uy rahbari “faol choralar” deganda nimani nazarda tutganini aniqlashtirmagan. Biroq Amerika yetakchisining so‘zlarini “AQSHning Ukrainadagi mojaroni hal etishda faolroq ishtirok etishga tayyorligining ijobiy belgisi” sifatida baholagan.
Bundan oldin Tramp Zelenskiy “bo‘lmasligi kerak bo‘lgan" juda murakkab vaziyatda ekanini aytgan edi. Shuningdek, u ukrainalik siyosatdonni yaxshi yigit deb atagan.
Ukrainaning sobiq bosh vaziri Nikolay Azarov AQSH allaqachon Vladimir Zelenskiyni hisobdan chiqarib, uni hokimiyatdan chetlatish bo‘yicha jiddiy ishlarni boshlab yuborganini bildirgandi.
Izoh (0)