Farg‘ona viloyatida yigit tortishuv sabab pochchasini ketmon bilan urib o‘ldirdi. Bu haqda “Hudud” informatsion dasturida xabar berildi.
Ma’lumotlarga ko‘ra, sudlanuvchining opasi va pochchasi o‘rtasida avvaldan oilaviy nizolar bo‘lib kelgan. Ularning o‘zaro tortishuvlari qaynona, qaynuka va kuyov o‘rtasida ham munosabatlar sovishiga sabab bo‘lgan.
Voqea sodir bo‘lgan kun soat 13:00 larda mast erkak tanishi bilan birga qaynonasining uyiga kelgan. Maqsadi bolalarini olib ketish bo‘lsa-da, baqir-chaqir qilib, qo‘shnilarni uyg‘otgan.
Buni eshitgan qaynuka ko‘chaga chiqqan. Pochchasi bilan so‘rashayotgan vaqtida ular o‘rtasida tortishuv boshlangan. Bundan ukaning jahli chiqib, pochchasi va uning o‘rtog‘ini ketmon bilan bir necha marotaba urib, jarohat yetkazadi.
Tan jarohatlari oqibatida sudlanuvchining pochchasi shifoxonada vafot etgan. Sudlanuvchi esa 8 yil 6 oy muddatga ozodlikdan mahrum qilindi.
Jinoyat bilan yakunlangan janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
Izoh (0)