Фарғона вилоятида йигит тортишув сабаб поччасини кетмон билан уриб ўлдирди. Бу ҳақда “Ҳудуд” информацион дастурида хабар берилди.
Маълумотларга кўра, судланувчининг опаси ва поччаси ўртасида аввалдан оилавий низолар бўлиб келган. Уларнинг ўзаро тортишувлари қайнона, қайнука ва куёв ўртасида ҳам муносабатлар совишига сабаб бўлган.
Воқеа содир бўлган кун соат 13:00 ларда маст эркак таниши билан бирга қайнонасининг уйига келган. Мақсади болаларини олиб кетиш бўлса-да, бақир-чақир қилиб, қўшниларни уйғотган.
Буни эшитган қайнука кўчага чиққан. Поччаси билан сўрашаётган вақтида улар ўртасида тортишув бошланган. Бундан уканинг жаҳли чиқиб, поччаси ва унинг ўртоғини кетмон билан бир неча маротаба уриб, жароҳат етказади.
Тан жароҳатлари оқибатида судланувчининг поччаси шифохонада вафот этган. Судланувчи эса 8 йил 6 ой муддатга озодликдан маҳрум қилинди.
Жиноят билан якунланган жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди.
- Фарғонада эркак бир гуруҳ дўстлари билан собиқ куёвини дўппослади.
- Чинозда ука ўз опасини ўлдириб, 7 кун уйда сақлади.
- Самарқандда қайнона келинини қувватлагич сими билан бўғиб ўлдирди.
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди.
- Наманганда эркак дўконда хотинини пичоқлаб ўлдирди.
- Сурхондарёда аёлига тазйиқ ўтказган эркак қамалди.
Изоҳ (0)