Buyuk Britaniya sudi o‘z vatanida soqolini olishga majbur bo‘lishi sababli tojikistonlik migrantni deportatsiya qilishni bekor qildi. Bu haqda The Times xabar berdi.
Britaniya Ichki ishlar vazirligi erkakni Tojikistonga deportatsiya qilmoqchi bo‘lgan. Migrant vataniga qaytsa, soqoli majburan oldirilishi mumkinligini asos qilib sudga murojaat qilgan. Avvaliga migrantning arizasi rad etilgan. Biroq keyinchalik sud soqoli sababli erkakka xalqaro himoya berilishi kerak degan qarorga kelgan.
Tojikistonda soqol hukumat tomonidan norasmiy taqiqlangan va bunga rioya qilmaganlarning soqollari zo‘rlik bilan olinadi, deyiladi xabarda.
Ta’kidlanishicha, bu hukumatning erkaklarning radikallashuvi va ekstremistik terror guruhlariga qo‘shilishining oldini olishga qaratilgan kampaniyasining bir qismidir.
Agar u diniy e’tiqodi tufayli soqol qo‘ysa-yu, ammo o‘z xavfsizligini ta’minlash maqsadida soqolini olishga rozi bo‘lsa, u xalqaro himoyaga munosib bo‘lishi mumkin, degan yuqori instansiya sudining o‘rinbosari, sudya Parminder Saini.
Dastlab tojikistonlik uchun obyektiv xavf inobatga olinmagan. Shundan so‘ng Tojikiston fuqarosining advokati mazkur xavflarga bir qancha misollarni keltirgan.
Ular qiynoq va shafqatsiz munosabatning keng tarqalgani, asossiz hibsga olish odatiy hol ekani, minglab tojikistonlik erkaklarning soqollari majburan qirdirilgani va hokimiyat tomonidan barmoq izlari olinib, ro‘yxatga kiritilgani kabi holatlarni keltirdi, degan sudya Parminder Saini.
Shu bois, u avvalgi qarorni bekor qilib, ishni birinchi instansiya tribunalida qayta ko‘rib chiqish haqida qaror chiqargan.
Izoh (0)