AQSH prezidenti Donald Tramp Isroilda poraxo‘rlik va firibgarlikda ayblanayotgan bosh vazir Binyamin Netanyaxuga qarshi sud jarayonini to‘xtatish kerakligini ta`kidladi. Oq uy rahbari bu fikrni Truth Social ijtimoiy tarmog‘ida bildirdi.
“Hozirgina Bibini dushanba kuni sudga chaqirishganini bildim. Bu uzoq davom etayotgan (u 2020-yil maydan beri bu “dahshatli shou”i boshdan kechirmoqda — misli ko‘rilmagan! Isroilning amaldagi bosh vaziri birinchi marta sud oldida turibdi.), siyosiy sabablarga asoslangan, “sigaralar, Bagz Banni qo‘g‘irchoqlari va boshqa ko‘plab adolatsiz ayblovlar bilan bog‘liq ish... Bibi Netanyaxuga qarshi sud jarayoni darhol bekor qilinishi yoki unga buyuk qahramon sifatida afv e’lon qilinishi kerak”, deya yozdi Tramp.
Amerika yetakchisining ta’kidlashicha, u Netanyaxudan ko‘ra o‘zi bilan “ko‘proq uyg‘unlikda” ishlay oladigan boshqa hech kimni bilmaydi.
“Amerika Qo‘shma Shtatlari Isroilni qutqardi va endi Amerika Qo‘shma Shtatlari Bibi Netanyaxuni qutqaradi”, deya qo‘shimcha qilgan Oq uy rahbari.
2019-yil noyabr oyida Isroilning sobiq bosh prokurori Avixay Mandelblit Netanyaxuga poraxo‘rlik, firibgarlik va ishonchni suiiste’mol qilish bo‘yicha uchta modda bo‘yicha ayb qo‘yilganini ma’lum qildi. Tergov jarayoniga ko‘ra, u bularni hukumat rahbari va aloqa vaziri lavozimlarida sodir etgan. Mandelblitning fikricha, bu ishda siyosat yo‘q, faqat qonun ustuvorligi mavjud.
2020-yil may oyida ushbu ishlar bo‘yicha sud jarayoni boshlandi. Ba’zilar buni juda sekin ketayotganini tanqid qilmoqda.
Netanyaxu o‘ziga nisbatan qo‘zg‘atilgan jinoiy ishlar bo‘yicha sudda ko‘rsatma bergan Isroilning birinchi amaldagi bosh vaziri hisoblanadi.
Izoh (0)