Eron o‘z hujumlarini to‘g‘rilash uchun Isroildagi xususiy kameralarga ulanmoqda. Bu haqida Bloomberg xabar bermoqda.
“So‘nggi ikki-uch kun ichida eronliklar zarbalar aniqligini oshirish maqsadida nima bo‘lganini va ularning raketalari qayerga tegganini aniqlash uchun kameralarga ulanishga urinishganini bilamiz”, dedi Isroil Milliy kiberboshqaruvi bosh direktorining sobiq o‘rinbosari Rafael Franko.
Global energetika kompaniyasining xavfsizlik bo‘yicha mutaxassisi Pleg Vasserman aytishicha, iste’molchilarning aksariyati videokuzatuv tizimi xavfsizligidan ko‘ra narxiga e’tibor qaratadi.
“Iste’molchilar bu kameradan foydalanishi mumkin bo‘lgan yagona shaxs o‘zlari emasligini unutmasliklari kerak. Kameralar shaharning panoramali ko‘rinishini ham tasvirga olishi mumkinligini, bu esa Isroilni nishonga olishda foydali bo‘lishi mumkinligini”, deydi Pleg Vasserman.
Ta’kidlanishicha, shu hafta Eron ballistik raketalari Tel-Avivdagi ko‘p qavatli binolar yaqiniga zarba berganidan so‘ng, Isroilning kiberxavfsizlik bo‘yicha sobiq rasmiysi jamoat radiosida chiqish qilib, isroilliklarni kuzatuv kameralarini o‘chirish yoki ularning parollarini o‘zgartirish haqida ogohlantirgan.
Nashrda qayd etilishicha, 2023-yil 7-oktyabrda Falastinning HAMAS radikal harakati hujumidan oldin ham Isroil shaharlaridagi kameralarga ruxsatsiz kirilgan.
Isroil 13-iyunga o‘tar kechasi Eronning yadro dasturiga qarshi “Isyonkor sher" operatsiyasini boshladi. Bir sutkadan kam vaqt o‘tgach, Islom Respublikasi javob hujumini amalga oshirdi. Keyingi kunlarda Isroil va Eron o‘zaro zarba berishni davom ettirdi. Ikkala tomon ham ushbu hujumlar natijasida halok bo‘lganlar va jabrlanganlar borligini ma’lum qildi, o‘z hududlaridagi bir qator obyektlarga zarba yetkazilganini tan oldi, ammo yetkazilgan zarar cheklangan ekanini ta’kidladi.
Izoh (0)