Eronda tashqi ishlar vaziri Abbos Araqchiga uyushtirilgan suiqasdning oldi olindi. Bu haqda vazir maslahatchisi Muhammad-Husayn Ranjbaran xabar berdi.
Suiqasdning oldini olishda Islom inqilobi qo‘riqchilari korpusining (IIQK) elita bo‘linmalari ishtirok etgan.
Tashqi ishlar vaziri “yevrouchlik” bilan muzokaralar olib borish uchun Jenevaga jo‘nashi e’lon qilinganidan buyon, Isroil unga suiqasd uyushtirmoqchi emasligiga ishonch hosil qilish uchun menga ko‘plab qo‘ng‘iroqlar bo‘ldi. Ha, bunday xavf, shubhasiz, bo‘lgan va hamon mavjud. Biroq Abbos Araqchi o‘zini diplomatiya xizmati rahbaridan ko‘ra ko‘proq vatan askari deb biladi...
Agar IIQK tomonidan ko‘rilgan xavfsizlik choralari bo‘lmaganida, ehtimol, bir necha kun oldin Tehronda unga qarshi suiqasd uyushtirilgan bo‘lardi, ammo Xudoga shukrki, buning oldi olindi, degan Ranjbaran.
Araqchi 20-iyun kuni Jenevada Yevropaning uchta davlati bilan muzokaralar o‘tkazadi. Uchrashuvda Germaniya, Fransiya va Buyuk Britaniya tashqi ishlar vazirlari Yoxann Vadeful, Jan-Noel Barro va Devid Lemmi, shuningdek, Yevroittifoq diplomatiyasi rahbari Kaya Kallas ishtirok etadi.
Izoh (0)