Makroiqtisodiy va hududiy tadqiqotlar instituti mutaxassislari 2025-yilning iyun oyida Toshkentdagi yirik supermarketlarda 21 nomdagi oziq-ovqat mahsulotlari narxining o‘zgarishini ko‘rib chiqdi.
Tahlil 7-may va 12-iyun kunlari o‘tkazilgan monitoring ma‘lumotlari asosida amalga oshirilgan. Monitoring natijalari 9 nomdagi mahsulot bo‘yicha minimal narxlar o‘tgan oydagiga nisbatan pasayganligini ko‘rsatdi.
Shunday qilib, oqbosh karamning minimal narxi 64,2 foiz, pomidorniki 44,7 foiz, bodringniki 36,5 foiz, lavlaginiki 21,5 foiz, bananniki 13 foiz, olmaniki 8,4 foiz, guruchniki 7,3 foiz, mo‘l go‘shtiniki (file) 6,3 foiz, kartoshkaniki 6 foiz pasaygan.
6 nomdagi mahsulot bo‘yicha minimal narxlar oshgan. Ayniqsa, limon narxida eng katta o‘sish qayd etildi. Bu mavsumiy omil bilan bog‘liq.
6 nomdagi mahsulotning eng past narxlari o‘zgarishsiz qolgan. Bular - bug‘doy uni, grechka, makaron, tuxum, margarin, kungaboqar yog‘i.
Fevral oyida kartoshkaning minimal narxi 26,1 foiz, qizil sabziniki 11,3 foiz, lavlaginiki 8,2 foiz, tuxumniki 7,8 foiz, sutniki 0,9 foiz, shakarniki 0,4 foiz pasaygandi. Shuningdek, oqbosh karam narxida eng katta o‘sish qayd etilgan.
Mart oyida 6 nomdagi mahsulot bo‘yicha minimal narxlar o‘tgan oydagiga nisbatan pasaygandi. 7 nomdagi mahsulot bo‘yicha minimal narxlar oshgan. Ayniqsa, pomidor narxida eng katta o‘sish qayd etilgan.
Izoh (0)