Макроиқтисодий ва ҳудудий тадқиқотлар институти мутахассислари 2025 йилнинг июнь ойида Тошкентдаги йирик супермаркетларда 21 номдаги озиқ-овқат маҳсулотлари нархининг ўзгаришини кўриб чиқди.
Таҳлил 7 май ва 12 июнь кунлари ўтказилган мониторинг маълумотлари асосида амалга оширилган. Мониторинг натижалари 9 номдаги маҳсулот бўйича минимал нархлар ўтган ойдагига нисбатан пасайганлигини кўрсатди.
Шундай қилиб, оқбош карамнинг минимал нархи 64,2 фоиз, помидорники 44,7 фоиз, бодрингники 36,5 фоиз, лавлагиники 21,5 фоиз, бананники 13 фоиз, олманики 8,4 фоиз, гуручники 7,3 фоиз, мўл гўштиники (филе) 6,3 фоиз, картошканики 6 фоиз пасайган.
6 номдаги маҳсулот бўйича минимал нархлар ошган. Айниқса, лимон нархида энг катта ўсиш қайд этилди. Бу мавсумий омил билан боғлиқ.
6 номдаги маҳсулотнинг энг паст нархлари ўзгаришсиз қолган. Булар - буғдой уни, гречка, макарон, тухум, маргарин, кунгабоқар ёғи.
Февраль ойида картошканинг минимал нархи 26,1 фоиз, қизил сабзиники 11,3 фоиз, лавлагиники 8,2 фоиз, тухумники 7,8 фоиз, сутники 0,9 фоиз, шакарники 0,4 фоиз пасайганди. Шунингдек, оқбош карам нархида энг катта ўсиш қайд этилган.
Март ойида 6 номдаги маҳсулот бўйича минимал нархлар ўтган ойдагига нисбатан пасайганди. 7 номдаги маҳсулот бўйича минимал нархлар ошган. Айниқса, помидор нархида энг катта ўсиш қайд этилган.
Изоҳ (0)