Makroiqtisodiy va hududiy tadqiqotlar instituti mutaxassislari 2025-yilning mart oyida Toshkent shahridagi yirik supermarketlarda 21 nomdagi oziq-ovqat mahsulotlari narxining o‘zgarishini ko‘rib chiqdi.
Monitoring natijalari 6 nomdagi mahsulot bo‘yicha minimal narxlar o‘tgan oydagiga nisbatan pasayganligini ko‘rsatdi.
Shunday qilib, kartoshkaning minimal narxi 19,8 foiz, sariq piyozniki 10,3 foiz, qizil sabziniki 3,4 foiz, tuxumniki 2,1 foiz, bananniki 0,9 foiz, kungaboqar yog‘iniki 0,6 foiz pasaygan.
7 nomdagi mahsulot bo‘yicha minimal narxlar oshgan. Ayniqsa, pomidor narxida eng katta o‘sish qayd etildi. Bu mavsumiy omil bilan bog‘liq.
8 nomdagi mahsulotning eng past narxlari o‘zgarishsiz qolgan. Bular — bug‘doy uni, guruch, makaron, oqbosh karam, olma, tovuq go‘shti (file), sut va shakar.
Ushbu tahlil 2025-yilning 6-fevral — 13-mart kunlari o‘tkazilgan monitoring ma’lumotlari asosida amalga oshirilgan.
Fevral oyida kartoshkaning minimal narxi 26,1 foiz, qizil sabziniki 11,3 foiz, lavlaginiki 8,2 foiz, tuxumniki 7,8 foiz, sutniki 0,9 foiz, shakarniki 0,4 foiz pasaygandi. Shuningdek, oqbosh karam narxida eng katta o‘sish qayd etilgan.
Izoh (0)