O‘zbekiston prezidenti yordamchisi Saida Mirziyoyeva Oguljahon Gurbanguliyevna Atabayevaning taklifiga binoan Turkmanistonda tashkil etilgan “Tinchlik va ishonch yili: bolalar uchun xalqaro faoliyatni rivojlantirish” nomli xalqaro konferensiyada ishtirok etdi.
Prezident yordamchisi xalqlarni nafaqat qo‘shnichilik, balki asrlar davomida shakllangan qon-qardoshlik aloqalari, umumiy madaniyat va buyuk tarix bog‘lab turishini maʼlum qildi.
“Ayniqsa, Gurbanguli Berdimuhamedov nomidagi xayriya jamg‘armasining faoliyati menda katta taassurot qoldirdi — bu bolalarga g‘amxo‘rlik, masʼuliyat va samimiy muhabbatning yorqin namunasidir.
Ishonchim komilki, bugungi forum kelajak avlodlar manfaati uchun hamjihatlikda ishlash, tajriba almashish va o‘zaro samarali aloqalar uchun yangi imkoniyatlar ochadi. Biz hamkorlikka doim tayyormiz va birgalikda farzandlarimiz uchun bundan ham ko‘proq ishlarni qila olishimizga ishonchimiz komil. Chunki ularning baxti — bizning umumiy kelajagimizdir”, deb yozadi Saida Mirziyoyeva.
Izoh (0)