Prezident yordamchisi Saida Mirziyoyeva BMT bosh kotibi yordamchisi, BMT Taraqqiyot dasturining Yevropa va MDH bo‘yicha mintaqaviy byurosi direktori Ivana Jivkovich bilan uchrashuv o‘tkazdi.
Muloqot davomida O‘zbekiston va BMT TD o‘rtasidagi hamkorlikni kengaytirish istiqbollari muhokama qilindi, xususan, Qoraqalpog‘iston va Orolbo‘yi mintaqasini barqaror rivojlantirishga alohida eʼtibor qaratildi.
Yoshlar, sog‘liqni saqlash, madaniyat va barqaror turizmni taraqqiy ettirish bilan bog‘liq masalalar — ijobiy va uzoq muddatli o‘zgarishlar uchun asos yaratishi mumkin bo‘lgan muhim yo‘nalishlar yuzasidan batafsil fikr almashildi.
“Biz jamoatchilikni, ayniqsa, yosh avlodni ularning g‘ayrati, ijodkorligi va yangiliklarga intilishidan kelib chiqib, taraqqiyot jarayoniga jalb etishga intilamiz.
Qarashlarimiz BMT TD maqsadlariga to‘g‘ri kelishidan, hamohang ekanidan xursandman, birgalikdagi saʼy-harakatlarimiz orqali g‘oyalarni joylarda odamlarga sezilarli foyda keltiradigan real loyihalarga aylantirishimiz mumkinligiga ishonaman”, deb yozadi prezident yordamchisi.
Izoh (0)