Nukusda bugun, 5-aprel kuni har 18 oyda bir marta o‘tkazilishi rejalashtirilgan birinchi Orol madaniyat sammiti o‘z ishini boshladi. Prezident yordamchisi Saida Mirziyoyeva bu O‘zbekiston va, ayniqsa, Qoraqalpog‘iston uchun ulkan ahamiyatga ega voqea ekanligini maʼlum qildi.
Biz ko‘p yillardan buyon turli darajadagi tadbirlar va minbarlardan turib Orolbo‘yi mintaqasini rivojlantirish — birgalikdagi saʼy-harakatlar bilan hal etilishi zarur bo‘lgan umumjahon vazifa ekani haqida tinimsiz gapirib kelmoqdamiz.
Bu hududning betakror madaniyati va o‘ziga xosligini saqlab qolish, ushbu murakkab sharoitda yashayotgan hamyurtlarimizning munosib kelajagini taʼminlash uchun mintaqaga diqqat-eʼtiborni jalb etish lozim, deb yozadi prezident yordamchisi.
Saida Mirziyoyeva O‘zbekiston va Qoraqalpog‘iston barcha ijodkorlarni: butun dunyo rassomlari, olimlari, ekspertlari va faollarini birlashtirishini qayd etdi.
Izoh (0)