Prezident yordamchisi Saida Mirziyoyeva yetakchi animatsiya studiyalari vakillari bilan uchrashdi. Bu haqda u o‘z sahifasida yozib qoldirdi.
Prezident yordamchisi yetakchi animatsiya studiyalari vakillari bilan uchrashib, sohaning real holati hamda uni rivojlantirishga doir amaliy takliflarni eshitgan.
Farzandlarimiz tomosha qilayotgan kontentning asosiy qismi — chet el mahsulotlari. Milliy, sifatli kontentimiz esa yetarli darajada emas.
Ayniqsa, bolalar uchun o‘zbek tilidagi qo‘shiqlar, milliy qadriyatlarimizga xos multfilmlar va ta’limiy kontentlar yetishmaydi. Shu bois mazkur yo‘nalishda faoliyat yuritayotgan “Donocha” kabi loyihalarni qo‘llab-quvvatlayman. Ularni yanada rivojlantirish kerak.
Albatta, bolalar adabiyotining, milliy ertaklarimizning ham o‘rni juda muhim.
Shu maqsadda kecha O‘zbekistondagi yetakchi animatsiya studiyalari vakillari bilan uchrashib, sohaning real holati hamda uni rivojlantirishga doir amaliy takliflarini eshitdim”, deydi u.
O‘zbekiston prezidenti yordamchisi Saida Mirziyoyeva Respublika bolalar kutubxonasiga tashrif buyurgan edi.
“Bu o‘ziga xos maskanda ko‘plab topilmalarga duch keldik. Masalan, devor suvoqlari ortidan o‘tgan asr o‘rtalarida ishlangan ajoyib devoriy suratlar chiqdi. Natijada – tarix ruhi va zamonaviy muhit bir joyda mujassam bo‘ldi.
O‘z ishining ustalari mehnatini munosib baholaysiz, degan umiddamiz. Bugundan boshlab kutubxonamiz eshiklari barcha kitobsevar yurtdoshlarimiz uchun ochiq”, deb yozadi Saida Mirziyoyeva.
Izoh (0)