Janubiy Koreyaning mazkur seriallarida nafaqat sevgi, balki o‘lim ustidan ham g‘alaba qozonganlar haqida hikoya qilinadi.
“Kumixo afsonasi”
-r3Jg7bI2.avif)
To‘qqiz dumli tulki go‘zal va qudratli — u insonlar dunyosida bemalol yashab, barcha imkoniyatlardan bahramand bo‘lishi mumkin. Biroq Li Yong buning o‘rniga odamlarga zarar yetkazayotgan hamjinslarini izlab topib, nazorat qilish bilan shug‘ullanadi. Uni sevgi harakatlantiradi. Ammo bu insoniyatga emas, balki bir necha asr oldin yo‘qotgan qiziga bo‘lgan muhabbatidir. Ishi evaziga uning sevgilisi qayta tug‘ilishi mumkin. Biroq Li Yong qachon va qayerda ekanligini bilmaydi.
Bir kuni u sevgilisiga ikki tomchi suvdek o‘xshash Nam Ji Ani uchratadi, lekin barcha belgilarga ko‘ra aynan u emas.
Agar Li Yongning kumixoning e’tibori va muhabbatiga tashna rashkchi ukasi bo‘lmaganda, voqealar bunday qiziqarli tus olmasdi. Li Ran o‘zboshimcha, maqsadlariga erishish uchun hech narsadan tap tortmaydi, akasidan nafratlanadi va unga har tomonlama xalaqit berishga urinadi.
“19-hayotimda uchrashamiz”
Ban Ji Im g‘ayrioddiy qobiliyatga ega — u o‘tmishini eslay oladi. Uning oxirgi hayotidan avvalgi umri qisqa bo‘lgan, ammo aynan o‘shanda u Mun So Xa bilan uchrashgan. Ji Im bu hayotda So Xani ko‘rish, u bilan suhbatlashish, yonida bo‘lish uchun barcha imkoniyatlardan foydalangan.
Biroq Ban Ji Imning birinchi hayoti fojiali bo‘lgan, ammo qiz buni mutlaqo eslay olmaydi. Xo‘sh, kim qizni o‘tmish hayotlarini eslashga, sevimlilarining yo‘qolishini qayta-qayta boshdan kechirishga mahkum etgan va bu la’natdan qanday qutulish mumkin?
“Mening jinim”
-ggiVpUOs.avif)
Jin 300 yildan beri insonlar orasida yashab, bitimlar tuzib, umuman olganda eng yaxshi hayotini kechirmoqda. To u badavlat oiladan chiqqan To Do Hi ismli qizni uchratmaguncha shunday davom etadi. Qizga Jinning kuchi mujassam bo‘lgan tatuirovka o‘tib qoladi. Bu taqdir taqozosimi yoki baxtsiz tasodifmi?
“Kkok Du mavsumi”
-cofhm435.avif)
O‘lim farishtasi har 99 yilda bir marta yerga kelib, qisqa umr kechiradi va yana g‘oyib bo‘ladi. Uning kuchi va qudratiga ko‘pchilik havas qiladi, chunki u uchun imkonsiz narsa yo‘q. Uni hech kim jilovlay olmaydi. Kkok Du g‘ayrioddiy o‘limga mahkum ayolni uchratmaguncha shunday edi. Bu ayolning so‘zi uning uchun qonunga aylanadi. O‘lim farishtasi shifokor qizning barcha buyruqlarini bajaradi, buning sababini o‘zi ham tushunmaydi, axir ilgari hech qachon bunday holat yuz bermagandi.
Izoh (0)